«Ýnıversıadany jaqsy uıymdastyrdyńyzdar»

XXVIII Dúnıe­júzilik qysqy Ýnı­versıada jary­syn qada­ǵa­laýǵa álem­­dik sport fede­ra­sııa­­lary­nyń ókilderi de at­salys­ty. Sebebi, túsinikti – saıys ádil ótýi kerek. Sondaı maqsatpen short-trek boıyn­sha Halyq­aralyq konkı­shiler oda­ǵy­nyń (ISU) resmı ókili Stoıcho Stoıchev te Almatyǵa arnaıy keldi. Bol­garııa­­l­yq maman bizge bergen suhbatynda Ýnı­ver­sıadada talap barlyǵyna birdeı bol­ǵanyn tilge tıek etip, sonymen qatar, Qazaq­stan sportshylarynyń deńgeıi týraly pikir bildirdi. «Men Qazaq elin qysqy Ýnı­ver­sıadany joǵary deńgeıde uıym­dastyra alǵanymen qut­tyq­taı­myn, – dep bastady áńgi­me­sin S.Stoıchev. – Bul sóz joq sizder úshin úlken abyroı. Men ISU-diń ókili retinde Olımpıada oıyn­daryna, Ýnıversıada jarys­taryna talaı ret bar­dym. Kóp dúnıeni kózimmen kór­dim. Son­dyqtan uıymdas­tyrý jaǵynan sizder eshkim­nen kem túspedińizder dep tolyq senimmen aıta alamyn. Saıys­qa kelsek, barlyǵy ereje boıyn­sha ótti. Qatelik jasaǵandar jarys­tan shyǵaryldy. Sebebi, talap sportshylarǵa birdeı qoıy­lady. Bul jerde ózderińiz kór­gen­deı, Qazaqstan tarapynan da jazalanǵandar boldy». «Búginde konkıshilerińiz jaqsy nátıje kórsetip keledi, – dep sózin jalǵastyrdy márte­beli meıman. – 2014 jyly Sochı Olım­pıadasynda úzdik bestik­ke kirip, mamandardan oń baǵa alǵan­d­ary­ńyzdy bilemiz. Sońǵy eki jyl­da Qazaqstan Nıderland eli­niń konkıshilerimen tyǵyz baı­lanys ornatty. Nátıjesinde, AQSh-tyń Solt-Leık-Sıtı qala­synda ót­ken Álem kýbogy jary­synda Ab­zal Ájiǵalıev 500 metr qysqa qa­shyqtyqta jeńim­paz atandy. Endi, mine sport­shylaryńyz kú­mis jáne qola medal alyp, qys­qy Ýnı­ver­sıadanyń júldegerleri atandy. Degenmen, sizderge qyzdar qura­ma­synyń da deńgeıin kóterý qa­jet. Búginde joǵary nátıje kór­setip júr­gen Nıderland, Ońtús­­tik Ko­reıa sekildi elderdiń baǵ­dar­­la­ma­­sy boıynsha jattyǵý kerek. Tip­ti, sol eldiń bilikti maman­da­ryn shaqyr­­sańyzdar da artyq­tyq etpeıdi». Jazyp alǵan Almas MANAP, «Egemen Qazaqstan»