«Ashyq ákimdik» oblysta alǵash ret ótkizildi

Batys Qazaqstan oblystyq qazaq drama teatry ǵımaratynda 300-den astam turǵyn «Ashyq ákimdik» qabyldaýynda boldy. – Oblys ákimi Altaı Kól­ginovtiń tapsyrmasy boıynsha mundaı shara bizde alǵash ret ótkizilip otyr. Búgingi júzdesýdiń tájirıbesin eskerip, alda da mundaı ashyq qabyldaý kúnderin uıymdastyramyz, – deıdi Batys Qazaqstan oblystyq ishki saıasat basqarmasynyń basshysy Baqytjan Narymbetov. Úsh saǵatqa sozylǵan qabyl­daý búgingi qoǵamnyń eń bas­ty suranysyn da anyq kór­setti: oblystyq turǵyn úı-kommýnaldyq sharýashylyǵy basqarmasy men oblystyq jer qatynastary basqarmasyna jolyǵý úshin kelýshiler uzyn-sonar kezekke turdy. Keıin málim bolǵandaı, keńes alýǵa kelgen 311 adam­nyń 58-i oblystyq jer qaty­nastary basqarmasyna, 43-i oblystyq energetıka jáne turǵyn úı-kommýnaldyq sharýa­shylyǵy basqarmasyna, 20-sy oblystyq jumyspen qamtýdy úılestirý jáne áleý­mettik baǵdarlamalar bas­qarmasyna, 16-sy densaýlyq saqtaý basqarmasyna, 13-i qury­lys pen jolaýshylar kóligi jáne avto­mobıl joldary bas­qar­masyna jolyqqan eken. Bul sharaǵa barlyǵy 34 mekeme-uıym bas­shylary men mamandary qaty­syp, halyqpen tikeleı júz­desti. Oral qalasynyń áki­mi Narıman Tóreǵalıevtiń ózi túrli muń-muqtajy, aryz-sha­ǵymy bar qala­lyqtarmen bet­pe-bet kezdesip, olardyń kóp­­tegen suraǵyna jaýap ber­di. – Meniń ulym on jyldan beri páter kezeginde tur, ózimniń jer kezegine tirkelgenime 13 jylǵa aıaq basty. Balam densaýlyq saqtaý salasynda qyzmet etedi. Mine, jeti jyldan beri otbasymen, eki balasymen páter jaldap turady. Búgingi kezdesýden úı kezegi jetkenin estip, qýanyp turmyn. Qala ákimi bıyl kóp qabatty 7 úı qurylysy bastalǵanyn aıtyp otyr. Jal­py, mundaı ashyq esik, tike qabyldaý uıymdastyrylǵany óte durys boldy, – deıdi qala turǵyny, zeınetker Gúljan Meńdiǵalıeva. Memlekettik organdardyń turǵyndarǵa kórsetetin 172 qyzmet túri bolsa, 2016 jyly Batys Qazaqstan oblysynda jergilikti atqarýshy organdar 2,2 mln memlekettik qyzmet kórsetken eken. Onyń 281 myńy elektrondy túrde, 58 myńy HQO arqyly atqarylǵan. Qazbek QUTTYMURATULY, «Egemen Qazaqstan» ORAL