Almatyda qyrǵyz nómirli kólikterge qarsy reıd bastalmaq

Almaty qalalyq ishki ister departamenti, Memlekettik kirister departamenti jáne qalalyq prokýratýra birlesip Qyrǵyzstanda tirkelgen avtokólikterdi júrgizip júrgen Qazaqstan azamattaryn anyqtaý jumystaryn qolǵa alǵaly otyr. Bul týraly zakon.kz portaly habarlaıdy. Reıdterdi bastaýǵa sebep – sońǵy ýaqytta Qyrǵyz Respýblıkasynda tirkelgen kólikterdiń kóptep kelýi. Ustalǵan qyrǵyz nómirli kólikter ýaqytsha saqtaý oryndaryna qoıylyp, olardy júrgizýshi Qazaqstan azamattaryna aıyppul salynady. Munyń aldyndaǵy operatıvti-profılaktıkalyq sharalar nátıjesinde kórshi elde tirkelgen 306 avtokólik ustalyp, olarǵa ıelik etýshiler ákimshilik jaýapkershilikke tartylǵan. Ýaqytsha saqtaý qoımasyna qoıylǵan 44 mashına suraýsyz qalyp, 7 kólik sot sheshiminen memleket paıdasyna tárkilengen. Almaty qalalyq Memlekettik kirister departamenti qyrǵyz azamattarynyń avtokólikterin Qazaqstan terrıtorııasynda ýaqytsha júrgizýge berýge bolmaıtynyn habarlap otyr. Iаǵnı, Eýrazııalyq ekonomıkalyq odaq elderinde turatyn jeke tulǵalarǵa qyrǵyz kólikterin senimhat arqyly júrgizýge tyıym salynady.