Saǵyntaev Nazarbaev Ýnıversıtetinde boldy

QR Premer-Mınıstri Baqytjan Saǵyntaev Nazarbaev Ýnıversıtetine baryp, QR Prezıdentiniń Joldaýyn iske asyrý men onyń Úkimettiń keńeıtilgen otyrysy barysynda bergen tapsyrmalaryn oryndaý máseleleri jóninde keńes ótkizdi.  Bul týraly primeminister.kz saıtynda habarlandy. Nazarbaev Ýnıversıteti - aýqymdy ǵylymı-bilim berý ekojúıesi, munda oqytýdan bólek, túrli ǵylymı-ınnovasııalyq zertteýler júrgiziledi. QR Prezıdenti óz Joldaýynda Qazaqstanda sıfrlyq ındýstrııany damytý ekonomıkanyń ózge salalarynyń da damýyna túrtki bolatynyn aıtyp ótti. Osy oraıda ol negizinde jańa, perspektıvaly tehnologııalar men ınnovasııalar bolatyn ekonomıka ósiminiń jańa úlgisin qurý týraly mindet qoıdy. Osy maqsatqa qol jetkizý úshin Prezıdent barlyq múmkindikter men resýrstardy shoǵyrlandyrý qajettigin aıtty. Premer-Mınıstr oqý ornyna Nazarbaev Ýnıversıtetiniń Memleket basshysynyń alǵa qoıǵan mindetterin iske asyrýdaǵy múmkindikterimen tanysý maqsatynda bardy. Baqytjan Saǵyntaev ýnıversıtettiń oqý zerthanalarynda bolyp, stýdentterdiń ǵylymı jobalar boıynsha zertteýler júrgizetin oryndarynyń jaǵdaıy men ondaǵy jabdyqtarmen tanysyp shyqty. NÝ-dyń Tehnoparki men oqý ornynyń aınalasynda belsendi túrde damyp jatqan «Astana Business Campus» ınnovasııalyq klasterin aralaý barysynda ol osynda júzege asyrylyp jatqan zertteý jobalarynyń nátıjelerimen tanysty. Sonymen qatar, Premer-Mınıstr bıznes-ınkýbatordyń, bıotehnologııalyq zerthananyń jáne «Heart Stitch», fızıka jáne akkýmýlıatorlar ınstıtýty zerthanalarynyń jumysymen tanysty. Keıin B. Saǵyntaev Nazarbaev Ýnıversıtetiniń professor-oqytýshylar quramymen kezdesý ótkizdi. Kezdesý barysynda QR Prezıdentiniń alǵa qoıǵan mindetterin atqarýdaǵy oqý ornynyń róli týraly aıtyldy.