Stoılov: Bizdi tartysqa toly maýsym kútip tur

«Astana» fýtbol klýbynyń bas jattyqtyrýshysy Stanımır Stoılov sportal.bg basylymyna bergen suhbatynda qarjylyq feır-pleıdiń shekteýligi, onyń Eýropa arenasynda jetistikterge jetýge tıgizetin keri áseri jaıly óz oıymen bólisti. «Jańa maýsymǵa daıyndalý ústindemiz. Qazir jartylaı qorǵanysymyzdy kúsheıtý – basty maqsatymyz. О́kinishke oraı, «Astana» jaqsy oınap júrgen kezde joǵary deńgeıli fýtbolshylardy qataryna qosa almady. Osynyń saldarynan keıin keıbir oıynshylarymyzdy jiberýge májbúr boldyq. Qarjylyq feır-pleı erejesine saı bolý úshin erkin agent retinde júrgen fýtboshylarmen tolyǵyp jatyrmyz», – dedi Stoılov. «Oıynshylardy Chempıondar lıgasyna qalaı daıyndaý kerek? Qıyn suraq eken. Qaramaǵymdaǵy jigitterdiń joǵary deńgeıge qashan shyǵatyny belgisiz. Árıne, maýsym aıynda bári tyńǵylyqty daıyn bolǵanyn qalaımyz. Biraq eń qıyny – oıyn deńgeıin bir qalypta ustap turý. Fızıkalyq turǵydan ǵana emes psıhologııalyq jaǵynan da, emosıonaldyq turǵydan da barlyq synaqqa daıyn bolýy kerek. Bizdi tartysqa toly on aı kútip tur. Ylǵı da jeńiske jete berý qoldan kelmeıdi», – dedi jattyqtyrýshy.