QR UEM bıznesti baqylaýdan bosatý sharalaryn bekitedi

Ulttyq ekonomıka mınıstri Tımýr Súleımenov mınıstrler kabınetiniń otyrysynda Úkimettiń 2017-niń jarty jyldyq jumys josparyn tanystyrdy, dep habarlady QR Ulttyq ekonomıka mınıstrliginiń baspasóz qyzmeti «Eksporttyq jaǵrapııany keńeıtip, sharttardy jeńildetý úshin, birinshi jarty jyldyqta  erkin saýda-sattyq júrgizý úshin birqatar eldermen (Iran, Izraıl, Egıpet, Sıngapýr, Serbııa t.b)  sondaı-aq, saýda ekonomıkalyq qarym qatynas týraly QHR-men kelissózder jalǵasady»,-dedi Súleımenov. Onyń aıtýynsha EAEO, ShYU jáne Jibek joly ekonomıkalyq beldeýine qatysty Ulttyq ekonomıkalyq múddemizdi qorǵaý jáne kúsheıtý úshin, mamyr aıynda Prezıdent ákimshiligine ekonomıkalyq dıplomatııany jandandyrý jáne qaıta qaraý týraly usynystar joldanady. «Jeke sektorǵa jaǵdaı jasaý úshin birinshi jarty jyldyqta damyǵan elderdiń ozyq tájirıbesi negizinde bıznesti baqylaýdan bosatýdyń júıeli sharalary bekitiledi. Naýryzda baqylaý-qadaǵalaý qyzmetteri jappaı tekserilip,  olardy qysqartý jáne tekserýshi organdardy sanyn azaıtý týraly usynys Úkimetke joldanady», -dedi. Mınıstr bıyl zańnamaǵa bıznestke qatysty ákimshilik kedergiler men asyra talaptardy qysqartý týraly ózgerister tolyǵymen engiziledi dep atap ótti. «1 naýryzǵa deıin biz Úkimetke 2018 jyly jekeshelendiriletin nysandardyń tizimin daıyndap beremiz. Sondaı aq, 1 naýryzǵa deıin memleket pen kvazımemlekettik sektorda qalatyn nysandar tizimi belgili bolady. Osy eki tizimge de kirmegender Yellow pages rules prınsıpterine sáıkes  taratylady», - dedi mınıstr. Budan bólek, óńirlerde MJS-ti jandandyrý úshin, saraptaýdan kelisim shartqa otyrý merzimi 4-6 aı  ıaǵnı qazirgiden 2,5 esege qysqartylady. Maýsymda ınvestorlardy tartý úshin, respýblıkalyq jáne óńirlik MJS jobalarynyń biryńǵaı aqparattyq bazasy qurylady. Jyl boıynda MJS boıynsha 54 joba baıqaýǵa shyǵarylady. «Qańtarda UEM buıryǵymen qalalarda nesıeleý/shaǵyn nesıeleý talaptary, EDB men qarjy uıymdary beretin shaǵyn nesıelerdi kepildendirý, kásipkerlikke oqytý negizderi bekitiledi. «Bıznes Bastaý» jobasy boıynsha naýryzda jumyssyzdar men ózin ózi jumyspen qamtyǵandardy kásipkerlikke baýlıtyn oqytý baǵdarlamasy bastalady», - dep málimdedi. Sondaı aq, ol mamyrda  EBDU usynysyn iske asyrý maqsatynda Ulttyq jol kartasy qurylady jáne memlekettik baǵdarlama aıasynda Qazaqstannyń EBDU-nyń 13- quqyqtyq quraly men EBDU-nyń 2-Komıtetimen qarym-qatynas jumysyn úılestirý jalǵasady. Al sáýirde Qazaqstan EBDU-nyń Investısııalar jónindegi Komıtetine qosylýy múmkin. «Maýsymda Astana ekonomıkalyq forýmyn ótkizý josparda bar. Bıyl «Jańa energııa –jańa ekonomıka» degen taqyryp usynyldy. Basty sharalar aıasynda Memleket basshysynyń qatysýymen Plenarlyq otyrys ótkizý josparlanǵan. Forým halyqaralyq seriktestermen (BUU, EBDU, Dúnıejúzilik Bank, EDQQB, AQQB,  The Economist, Bloomberg t.b) birlesip uıymdastyryldy», - dedi mınıstr.