BQO-da sýmen qamtý jobalaryna 3,4 mlrd teńge bólingen

Batys Qazaqstan oblysynda 2020 jylǵa deıingi óńirlerdi damytý baǵdarlamasynyń «Aq bulaq» baǵytyna sáıkes bıyl 3,4 mlrd. teńgege 31 sýmen qamtý jobasy júzege asyrylmaq, dep habarlaıdy QazAqparat. BQO qurylys basqarmasy basshysynyń orynbasary Álibek Antazıevtiń sózine qaraǵanda, sonyń ishinde respýblıkalyq bıýdjet esebinen 2,8 mlrd. teńge (25 nysan), jergilikti qazynadan 0,6 mlrd. teńge (6 nysan) bólindi. Mysaly, respýblıkalyq bıýdjet qarjysyna Aqjaıyq aýdany Aqsýat aýylyna jalpy uzyndyǵy 19,062 km sý qubyry tartylmaq. Joba quny - 297,994 mln. teńge bolsa, bıylǵa 60 mln. teńge qaralmaqshy. Qazirgi kezde konkýrstyq rásimdeý jumystary júrgizilýde. Bókeı ordasy aýdany ortalyǵy Saıqyn aýylynda 47,84 km sý qubyry qaıta qurylmaq. Munyń jalpy quny 369,695 mln. teńge bolsa, ótken jyly 37 mln. teńge ıgerildi. Bıyl respýblıkalyq qazynadan 110 mln. teńge, jergilikti bıýdjetten 37,476 myń teńge berilmek. Bas merdigeri - «Alfaservısstroı» JShS. Jańaqala aýdany Pıatımar aýylynda jalpy quny 346,817 mln. teńge turatyn, uzyndyǵy 14,581 km sý qubyry tartylýda. Bas merdigeri - «TasqalaTransGaz» JShS. Jánibek aýdany ortalyǵy Jánibek aýylynda «Qazqurylysservıs» JShS 498,634 mln. astam teńgeniń jumysyn atqarmaqshy. Munyń jalpy uzyndyǵy - 55,606 km. Ásirese, Qaztalov aýdanynda sýmen qamtý nysandary kóbirek salynbaqshy. Atap aıtqanda, Jalpaqtal aýylynda «PMK 117» JShS 384,690 mln. teńgege 48,164 km sý qubyryn qaıta qurmaq. Al Taldyapan, Saryqudyq, Qaıshaqudyq, Qosoba aýyldaryn sýmen qamtýǵa (103,249 km) barlyǵy 820,6 mln. astam teńge ketpekshi. Oblystyń basqa da aýdandarynda osyndaı sýmen qamtý nysandaryn negizinen 2018 jyly aıaqtaý kózdelýde. Al 7 nysandy (Bókeı ordasy aýdany Kókterek jáne Bórli, Qaztalov aýdany Qaztalov, Tasqala aýdany 2-Shejin, Zelenov aýdany Aqjol, Pavlov, Terekti aýdany Saryómir aýyldary) bıylǵy jyl sońyna deıin iske qosý josparlanýda. Sonyń nátıjesinde 2584 turǵyn ortalyqtandyrylǵan sý kózine qosylýǵa múmkindik alady. 4940 adam úshin sýmen qamtýdyń sapasy jaqsarady. Jyl sońynda ortalyqtandyrylǵan sý kózine qosylǵan aýyldyq eldi mekender sany 169-ǵa jetip, 38,1 paıyzdy quramaq. Bularda 242 095 adam nemese aýyl halqynyń 75,7 paıyzy turady. Aıta keteıik, 2016 jyly jergilikti bıýdjet esebinen aýyldyq eldi mekenderde 6 sýmen qamtý nysanyn salý úshin 378,9 mln. teńge jumsalyp, sonyń bireýinde (Qaztalov aýdany Nursaı aýyly) jumys márege jetip, beseýinde bastalǵan bolatyn.