ShQO qutqarýshylary TJ jarııalanǵan aýyl turǵyndaryna kómek kórsetýde

Shyǵys Qazaqstan oblysy TJD qutqarýshylary birneshe kún buryn tabıǵı sıpattaǵy TJ jarııalanǵan aýyldyq okrýgterdiń turǵyndaryna azyq-túlik jetkizýge kómektesti, dep habarlady Shyǵys Qazaqstan oblysynyń Tótenshe jaǵdaılar departamenti. Qaraóleń, Abraly, Aınabulaq, Tańat, Aqbulaq, Jazyq, Jıenáli jáne Znamenka aýyldyq okrýgterinde Semeı qalasy ákiminiń ókimi boıynsha jergilikti kólemdegi tabıǵı sıpattaǵy tótenshe jaǵdaı jarııalanǵan bolatyn. Qolaısyz aýa-raıyna baılanysty eldimekender, qystaq ýchaskeleri arasynda kólik qatynasy buzylǵan. Sharýashylyqtaǵy janýarlar qoraǵa qamalýda, sebebi jaıylymdardy keı jerlerde qalyńdyǵy 0,5-0,7m deıin qalyń qar basyp, muz qatyp qalǵan. Semeı qalasynyń órt sóndirýshileri ótimdiligi joǵary tehnıkanyń arqasynda atalmysh aýyldardyń turǵyndaryna azyq-túlik jetkizip berýde. Osy ýaqytta, Ulan aýdanynyń qutqarýshylary syrqattanyp qalǵan er adamǵa kómektesti, Tekshil ýchaskesinen Bozanbaı aýylyna jetkizdi. Syrqat dárigerlerge ótinish bildirgen, alaıda jedel járdem kóligi shaqyrý ornyna jete almaǵan. Qutqarýshylar MTLB kómegimen 15 shaqyrymdy basyp ótip, er adamdy Bozanbaıǵa jetkizdi.