Qazaqstanda A korpýsyndaǵy memlekettik qyzmetkerler sany qysqartylyp, olardyń jalaqysyn tóleı júıesi qaıta qaralady, dep málimdedi Qazaqstan Respýblıkasy Memlekettik qyzmet jáne jemqorlyqqa qarsy kúres agenttiginiń tóraǵasy Qaırat Qojamjarov. Bul týraly Bnews.kz jazady.
«Búginge deıingi tájirıbeniń nátıjesinde A korpýsyndaǵy basqarýshylyq ınstıtýtty jetildirýge qajettilik týyndady. Prezıdent ákimshiligimen birlese otyryp Memleket basshysyna usynylatyn usynystyń tujyrymdamasyn daıyndap qoıdyq. Onda A korpýsy qyzmetkerleriniń, jaýapty hatshylar, komıtet tóraǵalary, óńir ortalyqtaryndaǵy apparat jetekshileri, aýdan men qala ákimderiniń sanyn azaıtý qarastyrylǵan», - dedi Qaırat Qojamjarov.
Tóraǵanyń aıtýynsha, bul vakansııalardyń ornyna qajetti tájirıbesi bar qyzmetkerler tikeleı baıqaý arqyly iriktelip alynatyn bolady.
«Sonymen qatar, qazirgi tańdaǵy A korpýsynyń rezervi paıdalanylady. Olar bul orynǵa saı keledi. Keler jyldan bastap eńbek nátıjesine qaramastan, jalaqy tóleýdiń jańa modelin engizý josparlanýda. О́ńirlerdiń mindeti - ár qyzmetke memlekettik organdardyń maqsatty kórsetkishterine jetý boıynsha naqty baǵalaý talaptaryn daıyndaý», - dedi tóraǵa.
