Mádiǵalı Qarsybekov: Dittegenimiz – Olımpıada júldesi

– Mádiǵalı Ábdiǵalıuly, Ýnıversıadada óner kórset­ken shákirtterińizge baǵa berseńiz... – Kútken nátıjemiz oryn­dal­masa da, barlyǵy oıdaǵydaı dep aıtýǵa bolady. Sebebi, short-trekte mıllımetrler ról oınap ketetinin eskersek, shákirtterimniń jeńip alǵan me­daly kóńildi kónshitedi. Bizdiń negizgi josparymyz – Álem kýbogy kezeńderinde táýir nátıje kórsetip, álem chem­pıonatyna joldamany kóbirek ıemdený. Ári qaraı Olım­pıadadan oljaly oralý. Basty maqsatymyz osy. – Jankúıerler sizderden altyn kútip edi... – О́zim de shákirtterimnen altyn kúttim. Alaıda, jaǵdaı basqasha órbidi. Múmkin bol­ǵan 8 altynnyń altaýyn koreıa­lyqtar, ekeýin qy­taı­lyqtar jeńip aldy. Olar munda kileń myqtylaryn ákeldi. Sóıtip, myq­tylyǵyn taǵy bir dáleldedi. – Osyndaı nátıjemen Olım­­pıadada júlde alý ońaı­­ǵa soqpaıtyn sııaqty. – Olımpıada tuǵyrynan kóriný kez kelgen sportshynyń armany emes pe?! Biz 2014 jyly Sochı Olımpıadasynda úzdik bestikten kóringennen keıin, sońǵy eki jylda Nıderland eliniń konkıshilerimen tyǵyz baılanys ornattyq. Iаǵnı, olarmen birge jattyǵý jasaý múmkindigine ıe boldyq. Alǵa­shynda gollandyqtar eshkimmen sheberlik bóliskisi kelmeıtindikterin birden aıtty. Alaıda, sport salasyndaǵy basshylarymyz jaqsy jumys istep, kózdegen maqsatymyzǵa jetýge bar jaǵdaıdy jasady. Sodan keıin tájirıbe jı­naqtala berdi. Qazirgi deń­geımen Sochıdegi deńgeıdi salys­­tyrýǵa kelmeıdi. Sondaı bir­lesken jattyǵýlardyń ar­qasynda AQSh-tyń Solt-Leık-Sıtı qalasynda ótken Álem kýbogynda Abzal Ájiǵalıev 500 metr qysqa qashyq­tyqta chempıon atandy. Koman­dalyq esepte de jaqsy nátı­je kórsetip, úshinshi oryn aldyq. – Abzal Ájiǵalıevtiń je­ńisine sporttan habary bar jandardyń barlyǵy qýandy desek artyq aıtqanymyz emes. Abzal týraly az-kem aı­typ berseńiz. – Kýbok aldynda Abzalǵa estafetada senim artqan edik. Al 1000 jáne 1500 metrde Nurbergen Jumaǵazıevtiń, 500 metrde Denıs Nıkıshanyń múmkindigi mol boldy. Kalgarı qalasynda ótken kýboktyń alǵashqy kezeńinde Nıkısha fınalǵa deıin jetip, tórtinshi orynnan kórindi. Ájiǵalıev bolsa, úzdik segizdikke kirdi. Araǵa bir apta salyp, Solt-Leık-Sıtıde 54 sportshynyń arasynan Abzalǵa teń keler eshkim bolmady. Ol tórt kezeńde de (1/8 fınal, 1/4 fınal, 1/2 fınal jáne fınal) birinshi keldi. Senesiz be, odan mundaı kórsetkishti eshkim kútken joq. Kishigirim sensasııa boldy! Onyń myqtylyǵy sol – qarsylasynyń qateligin kútip, oraıy kelgende shabýylǵa shyǵady. Sonyń arqasynda ol jeńiske jetti. Onyń bul tásili 5000 metrlik komandalyq estafetada kómegin tıgizip, qola medalǵa ıe boldyq. – Sonda Ájiǵalıevke 500 metr qolaıly bolyp tur ǵoı? – Iá, 500 metr onyń qashyq­tyǵy, al 5000 metrdi shydamdy jigitter ǵana jyldam júgirip ótedi. Bul qasıet te onyń boıy­nan tabylady. – Álem kýbogy neshe kezeńnen turady? – Kýbok alty kezeńge deıin jalǵasady. Besinshi kezeń artta qaldy. Germanııanyń Drezden qalasynda ótken saıysta komandamyzdyń ekinshi quramy óner kórsetti. Buıyrtsa, soń­ǵy kezeńniń jalaýy Mınsk (Belarýs) qalasynda jelbi­reıdi. Ol jaqqa negizgi quram­daǵy jigittermen baramyz dep otyrmyz. – Bul kýbok syny bizge ne beredi? – Álem kýbogyna bir koman­dadan 6 er, 6 qyz balanyń qatysýǵa múmkindigi bar. Al álem jáne Azııa chempıonattary, Azııa men Ýnıversıada oıyndaryna 10 (5-5) sportshyǵa deıin qatysa alady. Álem kýbogy kezeńderinde koman­dalyq esepte úzdik ondyqqa kirsek, naýryz aıynda Rotter­damda (Gollandııa) ótetin álem chempıonatynda tolyq quramda óner kórsete alamyz. – Negizgi quramnyń izin basatyn jastarymyzdyń jaǵdaıy qalaı? – Búginde erler qurama­sy­nyń jastary maqtaýǵa turar­lyq. Olar 2018 jyldan keıin negizgi quramanyń múshe­leri atanatyny sózsiz. Sebebi, q­azir­diń ózinde jaqsy nátıje kórsetip júrgen Jaq­sybaev, Qa­jyǵalı, Shamuhanov, Ǵalı­ah­metov, Súleımenov syndy 18-20 jastaǵy saıdyń ta­syn­daı iriktelgen shákirtterim bar. – Al qyzdarymyzdyń jaǵdaıy qalaı? – Qyzdardyń kórsetken nátıjesi kóńil kónshitpeıdi. Soǵan qaramastan, Ýnıver­sıadada qyzdar quramasy ko­mandalyq esepte úshinshi oryn aldy. Bul jaman kór­setkish emes. Kuramany kúsheı­tý úshin Ońtústik Koreıadan Kım Eng A degen sportshyny shaqyrdyq. Ol Azııa chempıonattarynda qatysyp júrgen talantty qyz. 3000 metrde Koreıanyń chempıony. Sondaı-aq, Krestova, Tıhonova, Nagaı sekildi táýir óner kórsetip júrgen sportshylarymyz bar. Biraq, olardyń izin basatyn jas­tardy daıyndaýymyz kerek. – Áńgimeńizge rahmet. Áńgimelesken Almas MANAP, «Egemen Qazaqstan» Almaty