Erteńgi kúnge senimimizdi ústeıdi

Memleket basshysy Nursultan Nazarbaevtyń Qazaqstan halqyna arnaǵan Joldaýynda «Tabysty ótken eki jańǵyrý arqyly baǵa jetpes tájirıbe jınaqtadyq. Biz endi alǵa batyl qadam basyp, Úshinshi jańǵyrýdy bastaýǵa tıispiz» deýine naqty negiz bar. Sebebi, bizder – qazaqstandyqtar, onyń ishinde mádenıet pen óner salasynyń ókilderi elimiz egemendik alǵan kúnnen beri, Elbasymyzdyń jyl saıynǵy halyqqa arnaǵan Joldaýyn úzbeı oqyp, ómirde ustanyp kelemiz. Kóshbasshymyzdyń syndarly saıa­satynyń arqasynda erteńi­mizge de­gen nyq senimmen eń­semizdi bıik us­tap, damyǵan elý eldiń qataryna qo­syldyq. Álem aldyndaǵy búgingi abyroıy­myz el bolyp atqarǵan qyrýar ıgi amaldarymyz ben eńbekteri­miz­diń, judyryqtaı jumy­lyp jasaǵan jumystarymyz­­dyń aıqyn nátıjesi dep bilemiz. «Nurly jol» ekonomıkalyq saıasatynyń jáne «100 naqty qadam» Ult josparynyń nátıjesinde qaı salany alyp qarasaq ta, maqtan men abyroı kórinis beretin jemisimiz ben jeńisterimiz barshylyq. Qazaqstan Respýblıkasynyń Tuńǵysh Prezıdenti Nursultan Ábishuly Nazarbaevtyń bıylǵy jylǵy jasaǵan «Qazaqstannyń Úshinshi jańǵyrýy: jahandyq básekege qabilettilik» Joldaýyndaǵy alǵa qoıylǵan ózekti máse­leler men taqyryptar qyzý tal­qylanyp, halyqtan laıyqty qoldaý tabýda. Shırek ǵasyr ishinde el senimin arqalap, ony adal aqtaǵan Memleket basshysyna Qazaqstan halqy taǵy da úlken senim artyp otyr! Jambyl atyndaǵy Qazaq memlekettik fılarmonııasynyń qyzmetkerleri Joldaýdyń keleshekke keltirer kómegi men paıdasyn paıymdap, bir aýyzdan qoldaıdy. Osy jyly TMD jáne Ortalyq Azııa elderiniń arasynda birinshi bolyp bizdiń elimizde ótkizilgeli otyrǵan óte mańyzdy is-shara EKSPO-2017 mega-jobasynyń bizdiń respýblıkamyzdyń bedelin álem aldynda taǵy da bıikteteri sózsiz. Osy jolda bárimiz birigip, Elin súıgen Elbasy Joldaýynyń júzege asýy úshin jáne de kózdegen maqsat-mindetimizge jetý úshin tynbaı eńbektenýge ázirmiz! Jeńis SEIDOLLAULY, Jambyl atyndaǵy Qazaq memlekettik fılarmonııasynyń dırektory, Qazaqstannyń eńbek sińirgen qaıratkeri ALMATY