Jer qoınaýyn tıimdi paıdalaný qajet

Memleket basshysy Nursultan Nazarbaev «Qazaqstannyń Úshin­shi jańǵyrýy: jahandyq bá­se­kege qabilettilik» atty Qazaq­­stan halqyna Joldaýynda «Jer qoınaýy jáne jer qoı­naýyn paı­dalaný týraly» jańa ko­deks­­tiń qabyldanýyn qamta­ma­syz etýdi tapsyrǵan bolatyn. Taıaý­da Astanada qujat jobasyn tal­qylaý jónindegi qoǵamdyq tyń­daý ótti. Sharaǵa quzyrly mı­nıstr­­lik­terdiń, qoǵamdyq uıym­­dard­yń, jer qoınaýyn paıda­laný­shy­lardyń ókilderi qatysty. Qoǵamdyq tyńdaý barysynda Inves­tısııalar jáne damý mınıstr­ligi Jer qoınaýyn paıdalaný depar­tamentiniń dırektory Rýslan Baı­mıshev qujat jobasynyń qatty paıdaly qazbalar bólimine qatysty, onyń orynbasary Sáken Shákirov kómirsýtekti shıkizat bólimine qatysty negizgi erejeler týraly aıtyp berdi. «Elbasynyń «100 naqty qadam» Ult josparynyń 74-75 qadamynda kórsetilgendeı, biz halyqaralyq keń taralǵan standarttarǵa kóshýimiz kerek. Ol – barlyq qorlar, qatty paıdaly qazbalar, kómirsýtegi syndy baılyqtyń barlyǵyn jańa halyqaralyq standartpen esepteý. Jańa kodeks qoldanysqa ense, salaǵa baǵyttalatyn ınvestısııa qatary artady dep oılaımyz», deıdi Geologııa jáne jer qoınaýyn paıdalaný komı­tetiniń tóraǵasy Bazarbaı Nurabaev. Mamandar pikirinshe, ınvestorlar buryn lısenzııa alý úshin eki-úsh jylyn sarp etetin. Al, kodekske ózgeris­ter ense, bul qujat 2-3 kúnde daıyn bol­­maq. Statıstıkalyq málimetterge súıensek, dúnıe júzinde jyl saıyn bar­­laý jumysyna 11 mlrd dollar bóline­­di. Onyń 18 paıyzy Kanadanyń, 12 pa­­ıyzy Avstralııanyń úlesinde, al Qa­zaq­­stanǵa tek 1 paıyzǵa jýyǵy ǵana tıes­ili eken. Geologııalyq barlaý jumys­taryn belsendi júrgizý ony ıgerýge nıetti ınvestorlarǵa bóget bolmaýy kerek. Ashat RAIQUL, «Egemen Qazaqstan»