Barsha qazaqstandyq asyǵa kútetin Elbasymyz N.Á.Nazarbaevtyń halyqqa arnaǵan árbir Joldaýy, saıası-ekonomıkalyq jáne áleýmettik turǵyda asa tereń máni men mazmuny bar tarıhı qujat. О́ıtkeni, onda baǵyndyrǵan belester zerdelenip, alynar asýlar saralanady.
Prezıdent Joldaýy – ár jyldyń eń basty saıası qujaty. О́z jylnamasyn, sonaý 1997 jyldan bastaǵan Joldaýlar ishki qısyny turǵysynan da, máni men mazmuny jaǵynan da birimen-bir úndes ári sabaqtas.
Eń alǵashqy «Qazaqstan-2030» degen ataýmen qabyldanǵan strategııalyq baǵdarlamanyń merziminen buryn oryndalyp, súıikti Otanymyzdyń meılinshe damyǵan 50 eldiń quramyna kirýine baılanysty jańa strategııalyq baǵdarlama qabyldaý qajettiligi týyndaǵan edi. Osyǵan oraı, «Qazaqstan-2050» atty jańa baǵdarlama ómirge keldi. Baǵdarlama mejesi – 2050 jylǵa qaraı, damyǵan 30 eldiń qatarynan kóriný. Aıtýǵa ońaı bolǵanmen, bul degen asa aýqymdy, óte kúrdeli mindet ekendigi beseneden belgili. Mine, osy kúrmeýi qıyn, biraq meılinshe ózekti, ári kókeıkesti mindetti sheshý tetikterin, Elbasy óziniń sońǵy Joldaýlarynda aıqyndap berip keledi.
«Qazaqstannyń Úshinshi jańǵyrýy: jahandyq básekege qabilettilik» atty bıylǵy Joldaýynda Elbasy álemdik daǵdarystan týyndaǵan elimizdegi ekonomıkalyq jáne qarjylyq daǵdarysqa qarsy baǵyttalǵan, Otanymyzdyń kemeldi keleshegin qamtamasyz etetin mindetterdi aıshyqtap berdi. Bul mindetterdiń túpki maqsaty – 100 naqty qadamnan turatyn Ult josparyn júzege asyryp, asqaq maqsatymyz álemdegi barynsha damyǵan 30 eldiń ortasynan oıyp turyp oryn alý. Máńgilik El ıdeıasynyń saltanat qurýyn qamtamasyz etý. Osynaý aıryqsha máni bar strategııalyq jospardy júzege asyrý úshin tereń bilimdi ári joǵary bilikti kadrlardyń qajettiligi aıtpasa da túsinikti.
Osyǵan baılanysty men, ustazdar qaýymynyń ókili retinde 5 negizgi basymdyqtan turatyn Joldaýdyń «Adamı kapıtal sapasyn jaqsartý» dep atalatyn 4-shi basymdyǵyna erekshe toqtalǵym kelip tur. О́ıtkeni, ınnovasııalyq ekonomıka men shıkizattyq emes sektordy qurýdyń negizgi tetigi – joǵary bilikti kadrlar. Sondyqtan da Elbasy bilim berý men densaýlyq saqtaý salalaryn jetildirýge arnalǵan buǵan deıingi baǵdarlamalardyń oryndalý kerektigin eske sala otyryp, oıyn «bilim berý júıesiniń róli ózgerýi tıis» dep túıindeıdi. Úsh tildi oqýǵa kezeń-kezeńimen kóshý kerektigin aıta kelip, qazaq tiliniń basymdyǵy saqtalatynyn, onyń odan ári órkendeı damýyna zor kóńil bóletinin atap ótedi.
Sózdiń reti kelgende aıta keteıik, úsh tilde oqytýǵa kóshý týraly másele qoǵamda birshama pikirtalas týǵyzǵany anyq. Qoldaýshylar da, synaýshylar da barshylyq. Máselege synı turǵyda qaraıtyndarǵa aıtarymyz, synnyń barynsha ádiletti bolǵany durys, sonda ǵana onyń tárbıelik máni bolady. Atam qazaq «Syn túzelmeı, min túzelmeıdi» dep beker aıtpaǵan. Al ádiletsiz syn «japtym jala, jaqtym kúıeniń» keri bolyp shyǵady.
Sonymen, Joldaý jarııalandy. Aldymyzdaǵy baǵyndyrar bıikter men alynar asýlar aıshyqtaldy. Endigi jerdegi barshamyzdyń mindetimiz – osynaý asqaq murat-maqsattardy júzege asyrý úshin aıanbaı eńbek etý.
Sattar QÝAShBAI,
Ońtústik Qazaqstan oblystyq máslıhatynyń depýtaty, ekonomıka ǵylymdarynyń doktory, professor
