Ortaq ustanym ortaǵa salyndy

Parlament Májilisiniń depýtaty Ekaterına Nıkıtınskaıa, «Aq jol» QDP Almaty qalalyq fılıalynyń tóraǵasy Dmıtrıı Vasılev jáne tóraǵanyń orynbasary Erlan Aqjolov Almaty qalasyndaǵy A.Syzǵanov atyndaǵy Ulttyq ǵylymı-hırýrgııa ortalyǵynda aq halatty abzal jandarmen kezdesý ótkizdi. Jıyn barysynda depýtat atalǵan mekeme ujymy­nyń al­dynda Memleket basshysynyń bıylǵy Jol­daýy­na keńinen toqtalyp ótti. Al Elbasy­nyń Úndeýi demo­kra­tııa­lyq damý jolyndaǵy tarıhı sheshim bolǵa­nyn erekshe atady. «Qazir elimizdiń barlyq óńir­le­rinde Prezıdent Nursultan Nazarbaevtyń Qazaq­stan  halqyna arnaǵan Joldaýy men demokratııalyq ózgeristerge qatysty Úndeýi qyzý tal­qy­­la­­n­yp jatyr. Elbasy Úndeýde konstıtý­sııalyq zań­dar­ǵa ózg­eri­ster engizip, qazirgi memlekettik basqarý júıe­sin ja­ńar­­tatyn kezdiń kelgenin aıtyp, mundaı qadam zaman talabynan týyndap otyrǵanyn jetkizdi. Shyn­­dy­ǵynda, eń alǵash Táýelsizdik alǵan jyldarda bizge pre­­zı­­denttik basqarý tetigi qajet bolǵan edi. Onyń nátı­­je­­siniń qandaı bolǵanyn biz kórip otyrmyz. Shırek ǵasyr ishinde biz álemniń eń alpaýyt memleketterimen teńe­se­tin memle­ketter qataryna kirdik. Básekege qabilet­ti Qazaq­stanǵa aınaldyq. Osy­naý tabysqa toly 25 jyldan soń biz jańasha qadam basyp, jańa dáýirdiń esigin ash­­qa­ly otyrmyz. Atalǵan bul qadam Parlament pen Úki­­met­­ke úlken jaýap­ker­shilik, senim júkteıdi», – dedi E.Nıkıtınskaıa. Jıyn sońynda A.Syzǵanov atyndaǵy Ulttyq ǵyly­mı-hırýrgııa ortalyǵynyń dırektory Bolat Baı­mahanov klınıkanyń tynys-tirshiligimen tanystyrdy. Saparbaı PARMANQULOV, «Egemen Qazaqstan» ALMATY