Joldaýdyń basym baǵyttary talqylandy

Májilis Tóraǵasy Nurlan Nyǵmatýlın Almaty oblysyna jumys sapary barysynda Eskeldi aýdanynyń Qarabulaq aýylyndaǵy «Hılnıchenko ı K» sharýashylyǵynda bolyp, aýdandyq medısına ókilderimen jáne aýdan halqymen kezdesti. Basty taqyryp Elbasynyń bılik tarmaqtary arasynda ókilettikterdi qaıta bólý týraly Úndeýi men jyl saıynǵy dástúrli Joldaýy boldy. N.Nyǵmatýlın atap ótkendeı, bul eki qujat, shyn máninde, Qazaqstanymyzdyń aldaǵy damý jolynyń strategııalyq jos­pary. Usynylyp otyrǵan basqarý reformasy Elbasynyń bolashaqty oılaıtyn, dana saıasatynyń taǵy bir naqty kórsetkishi. Sonymen birge, bul – Prezıdenttiń demo­kratııalyq ustanymdy kúsheıtý jolyndaǵy tarıhı sheshimi. Al Elbasynyń «Qazaqstannyń Úshinshi jańǵyrýy: jahandyq básekege qabilettilik» Joldaýy – elimizdiń tarıhı belesin bastaǵan óte mańyzdy qujat. Májilis Tóraǵasy: «Onda Elbasy Qazaqstan damýynyń jańa baǵyttaryn belgilep berdi. Ásirese, ulttyq ekonomıkany kóterýge erekshe kóńil bóldi. Bul eń aldymen halyqtyń áleýmettik jaǵdaıyn kúsheıtýge yqpal etedi», – dedi. Odan ári palata Spıkeri Joldaýdyń árbir basymdyqtaryna, bolashaq maqsattarǵa toqtaldy. Ony júzege asyrýǵa belsene qatysý árbir qazaqstandyqtyń abyroıly mindeti ekenin tilge tıek etti. Aıta keteıik, atalǵan aýyldyq okrýgte 16 myńdaı halyq turady. 3 myń bala qamtylǵan 7-bilim mekemesi jumys isteıdi. Aýylda byltyrdyń ózinde 23,4 mlrd teńgeniń aýyl sharýashylyǵy ónimderin óndirgen 129 sharýa qojalyǵy tirkelgen. Solardyń biri – «Hılnıchenko ı K» seriktestigi. Ol – 567 shaǵyn sharýashylyqtyń basyn qosyp otyrǵan iri qojalyq. Ieligindegi 39 myń gektar jerdiń 37 myńyn aýyl sharýashylyǵy maqsatynda paıdalanady. Qant qyzylshasyn ósirýge erekshe den qoıǵan sharýashylyq bıyl 333 gektar jerge atalǵan kókónis túrin ekken. N.Nyǵmatýlın Joldaýdyń agrarlyq sektordy qoldaýǵa serpin beretin tustaryna erekshe nazar aýdardy. Al aýyl halqymen júzdesýde Jol­daýmen birge, saıası júıeni reformalaý máselesine de kóńil bólgen palata Spı­keri eń áýeli tıimdi prezıdenttik basqa­rýdyń arqasynda 25 jyl ishinde jetken tolaǵaı tabystarǵa toqtaldy. Ol júıe Qa­zaqstandy barlyq qıyndyqtardan aman alyp shyǵyp, álem tanyǵan áıgili memleketke aınaldyrdy. Al jańa reforma osy damý jolymyzdyń zańdy jalǵasy bola otyryp, eldi basqarýdyń jańa talaptarǵa tótep bere alatyn, tıimdi, turaqty, zamanaýı júıesin qurýdy qamtamasyz etpek. Kezdesý barysynda aýyl halqyn tol­ǵandyrǵan áleýmettik máseleler de nazardan tys qalmady. Turǵyndar jergilikti ózin ózi basqarý, sýbsıdııa bólý, aýyl jolda­ryn jóndeý, densaýlyq saqtaý, bilim berý má­se­leleri boıynsha ózekti suraqtardy alǵa tartty. Áleýmettik taqyryp Májilis Tór­aǵa­synyń aýdandyq emhana ókilderimen kez­desýinde de áńgime ózegine aınaldy. Tur­ǵyndarǵa qolaıly bolý úshin munda «Ke­zeksiz emhana» baǵdarlamasy engizilgen. Me­kemede adam densaýlyǵyna qatysty sala­lardyń barlyǵy derlik tıisti deńgeıde qyz­met etedi. Aq halattylar Elbasy belgilegen mańyzdy mindetter emhana jumysynyń sapasyn arttyra túsýge yqpal jasaıtynyna senim bildirdi. О́z kezeginde «Aluminium of Kazakhstan» jumysshylary da Elbasynyń strategııalyq bastamalaryn tolyqtaı qoldaıtyndyǵyn jetkizdi. «Aluminium of Kazakhstan» JShS – alıýmınıı profılderin óndiretin tolyq sıkldy joǵary tehnologııalyq zaýyt. Zaýyt quıý sehynan, 1540 jáne 2400 qysqa tonnaǵa arnalǵan eki presten turady. Zaýyttyń jalpy aýdany shamamen 14 myń sharshy metrdi quraıdy. Tehnologııalyq úderis bastapqy alıýmınııdi óńdeý arqyly daıyn ónimniń 280-nen astam túrin shyǵarýǵa múmkindik beredi. Zaýyt jylyna 12 myń tonnaǵa deıin ónim shyǵarady. Almaty oblysyna sapary týraly N.Nyǵmatýlın: «Elbasymyz Nursultan Ábishuly Nazarbaevtyń saıası reformaǵa arnalǵan Úndeýi jáne bıylǵy tarıhı Joldaýy Almaty oblysynda da úlken qoldaýǵa ıe boldy. Osy kezdesýler bizdiń Prezıdentimizdiń jańa damý baǵyttary halqymyzǵa erekshe serpin beretinin dáleldeıdi. Osy qoldaý, osy senim aldaǵy bıik maqsattarǵa jetýdiń basty kepili ekeni sózsiz», – dedi. Májilis Spıkeri atap ótkendeı, El­ba­synyń barlyq bastamalary qa­zaq­stan­dyqtardyń ómir sapasyn jaqsartýǵa, bas­qarý tıimdiligin arttyrýǵa, uzaq merzimdi eko­no­mıkalyq turaqtylyqty qamtamasyz etýge baǵyttalǵanyn saılaýshylar jete túsi­nedi, sondyqtan da búkilhalyqtyq qol­daýǵa ıe bolýda. Aıta keteıik, Májilis depýtattary Jol­daýdyń maqsat-mindetterin halyqqa jet­kizý, túsindirý, nasıhattaý maqsatynda aımaq­tardy aralap, tek oblys ortalyqtaryn ǵana emes, árbir aýyldy, shalǵaıdaǵy eldi me­ken­derdi de qamtýda. Nurbol ÁLDIBAEV, «Egemen Qazaqstan» Almaty oblysy