Eń bastysy – eldiń qoldaýy

Senat depýtaty Ikram Adyrbekov álemdik ekonomıkadaǵy jyldam ózgerister jaǵdaıynda qubylmaly áleýmettik-ekonomıkalyq ahýaldaǵy qazirgi máselelerdi jedel sheshý úshin Úkimettiń áreket etý múmkindigi men qajetti derbestigi bolýy kerek, dep sanaıdy. Senatordyń pikirinshe, Mem­leket basshysynyń bılik ókilet­tikterin qaıta bólý jáne saıası júıeniń ózgeristeri jónin­degi Úndeýindegi bastamalar de­mokratııalyq qoǵam qalyptastyrý jolyndaǵy tarıhı meje bolyp tabylady. I.Adyrbekov senatorlar Muh­tar Altynbaev jáne Lázzat Qıy­novpen birge Almaty qala­syndaǵy Alataý aýdany­nyń aktıvimen jáne turǵyn­dary­men kezdesti. Júzdesý bary­synda Memleket bas­shysynyń «Qazaqstannyń Úshinshi jańǵyrýy: jahandyq báse­kege qabilettilik» atty halyqqa Jol­daýy­nyń basym mindetteri talqy­landy. Kezdesýge qatysýshylar Mem­leket basshysynyń bastamalaryna qoldaý bildirdi. Senatorlar, sonymen qatar, Almaty qala­sy­nyń turǵyndarymen áleý­mettik qamsyzdandyrý jáne tur­ǵyn úımen qamtamasyz etý, ba­ǵany qalyptastyrý men jer­gilikti atqarýshy organdardyń jumysy týraly máselelerdi talqylady. * * * Senatorlar Murat Baqtııaruly men Bekmyrza Elamanov Qyzylorda oblysyna jumys babyndaǵy saparynda Qyzylorda qalasynyń aktıvimen, máslıhat depýtattarymen jáne qala turǵyndarymen kezdesti. Senatorlar «Atameken» Ult­tyq Kásipkerler pala­tasy­nyń Qyzylorda oblystyq bó­lim­shesinde aımaq kásipkerlerimen, qaladaǵy Jastar saraıynda óńir jastarymen bolǵan kezdesýlerde Elbasynyń Qazaqstan halqyna Joldaýy, bılik tarmaqtarynyń ókilettiligin qaıta bólý jó­nin­degi konstıtýsııalyq refor­malar týraly jan-jaqty túsindirý tur­ǵysynda keńinen áńgime ótkizdi. Joldaýdan týyndaıtyn min­detter aıasynda aýyl sharýa­shylyǵyn damytý, elimizdi sapaly azyq-túlikpen qamtamasyz etý, onyń ishinde kúrish daqylyn sapaly ári tıimdi ósirý jaıy sóz boldy. Senatorlar, sondaı-aq, Parlamenttiń zań shyǵarý qyz­meti, elimizdiń quqyqtyq irge­ta­sy men qabyldanǵan zańdar jáne ony iske asyrý barysy týraly jınalǵandardy habardar etti. Senatorlar oblystyń Syr­darııa aýdanyndaǵy Aıdarly, Ińkárdarııa, Shıeli aýdanyndaǵy Bo­tabaı aýyly jáne Qarmaqshy aý­da­nyndaǵy Qýańdarııa aýyl­dary­nyń turǵyndarymen de kezdesti. * * * Senat depýtattary Baqtybaı Shelpekov pen Mıhaıl Bortnık Aqtaý qalasynyń aktıvimen kezdesti. Máslıhat depýtattarymen, kásiporyndar jáne qoǵamdyq birlestikterdiń basshylarymen kezdesýde senatorlar Memleket basshysy N.Nazarbaevtyń «Qazaqstannyń Úshinshi jańǵyrýy: jahandyq básekege qabilettilik» halyqqa Joldaýynyń negizgi máselelerin jan-jaqty áńgimeledi. Sondaı-aq, bılik tarmaqtary arasyndaǵy ókilettikterdi qaıta bólý máseleleri de talqylandy. Aqtaý turǵyndary Memleket basshysynyń bastamalaryna oń pikirler aıtyp, keńinen qoldaý bildirdi. Júzdesý barysynda jergilikti kásipkerler nesıelerge qol jetkizý, salyq salý júıesiniń aıqyndyǵy, «Bıznestiń jol kartasy-2020» baǵdarlamasy boıynsha kásipkerlikti qoldaý máselelerin kóterdi. Odan basqa, Astanada ótetin EKSPO-2017 halyqaralyq kórmesi aıasynda «jasyl ekonomıkany» damytý máseleleri boıynsha memleket qoldaýy qajet ekeni aıtyldy. * * * Senator Serik Bilálov Soltústik Qazaqstan oblysyna jumys sapary barysynda Jambyl aýdanynyń turǵyndarymen kezdesti. Blagoveshensk aýyldyq okrýginiń mádenıet úıinde ótken kezdesý barysynda bılik tarmaqtary arasyndaǵy ókilettikterdi qaıta bólýge qatysty reformalar men Elbasynyń «Qazaqstannyń Úshinshi jańǵyrýy: jahandyq básekege qabilettilik» Qazaqstan halqyna Joldaýynyń basym baǵyttary talqylandy. Senator jemshóp, jarma, bur­shaq pen maıly daqyldar óndi­retin «Atameken-agro» seriktestiginde de bolyp, kóktemgi egis naýqanyna daıyndyqpen tanys­ty. Sondaı-aq, senator «Dınastııa agro» serik­testiginiń maı óńdeý zaýytynda boldy. S.Bilálov sapary barysynda Esil aýdanyndaǵy Tarangúl aýy­ly­nyń Mádenıet úıinde jergilikti tur­ǵyndarmen kezdesip, Memleket bas­shysynyń Joldaýynan týyndaı­tyn mindetterge oraı eli­miz­di jań­ǵyrtý jáne saıası re­for­ma­lardy jalǵastyrý týraly bas­ta­masyna oraı jan-jaqty áńgi­me ótkizdi. Depýtat, sondaı-aq, asyl tuqymdy mal ósirýmen aınaly­satyn aýyl sharýashylyǵy kásip­orny – «Azııa-Tarangúl» serik­tes­tiginde de boldy. Senator J.Qızatov atyndaǵy Esil aýylsharýashylyq kol­led­ji­niń qyzmetkerleri men stý­dent­terine Elbasy Joldaýynyń maz­munyn tanystyrdy. * * * Batys Qazaqstan oblysynda jumys saparymen júrgen Parlament Senatynyń depýtattary Rashıt Ahmetov pen Birǵanym Áıtimova Terekti aýdanyndaǵy «Aqas» agrofırmasynyń jáne Oral qalasyndaǵy «Batys Qazaqstan elektr jelilerin taratý kompanııasy» aksıonerlik qoǵamynyń eńbek ujymdarymen kezdesti. Senatorlar óz sózderinde Konstıtýsııaǵa engizý kózdelip otyrǵan negizgi ózgerister men tolyqtyrýlar jaıynda aıta kelip, Elbasynyń «Qazaqstannyń Úshinshi jańǵyrýy: jahandyq básekege qabilettilik» atty ha­lyq­qa Joldaýynyń negizgi erejelerin jınalǵandarǵa jan-jaqty tú­sin­dirdi. Kásiporyn qyzmetkerleri Konstıtýsııaǵa engizý kózdelip otyrǵan ózgerister men tolyq­ty­rýlar boıynsha zań jobasy men Memleket basshysynyń Jol­daýynan týyndaıtyn mindetterdi qol­daıtyndaryn jetkize otyryp, onyń mańyzdylyǵy men ýa­­qy­tynda jarııa etilgenin atap ótti. Senatorlar sodan keıin de aımaqtaǵy eńbek ujymdarymen jáne oqý oryndarynda bilim alyp jatqandarmen kezdesýlerin jalǵastyrady. * * * Parlament Senatynyń depýtattary Qaırat Ishanov pen Sársenbaı Eńsegenov Atyraý oblysynyń Mahambet aýdanyndaǵy Sarytoǵaı aýylynyń turǵyndarymen kezdesti. Júzdesýde bılik tarmaqtary arasynda ókilettikterdi qaı­ta bólý máseleleri jónin­degi Elbasynyń Úndeýi men «Qazaq­stannyń Úshinshi jańǵyrýy: jahandyq básekege qabilettilik» Joldaýyn halyqqa túsindirý turǵysynda jan-jaqty áńgime órbidi. Senator Q.Ishanov Mem­leket basshysynyń Joldaýyndaǵy aýyl sharýashylyǵyn qarqyndy damytý, jerdi tıimdi paıdalaný, sýbsıdııa bólý, salany ár­taraptandyrýǵa qatysty alǵa qoıǵan mindetterge keńi­nen toqtaldy. Sondaı-aq, kons­tı­týsııalyq reformalar jónindegi usy­nystardy saraptaý men ony zańnamalyq turǵyda qamtamasyz etý qajettigi týraly oılaryn ortaǵa saldy. Senatorlar Inder aýdanyndaǵy Kóktoǵaı aýylynda da boldy. Depýtat S.Eńsegenov: «Qazir zaman ózgerdi, qoǵam jańardy. Soǵan baılanysty Qazaq eli de burynǵy júıemen qalmaı, jańa baǵytqa bet burýy kerek. Elbasynyń halyqqa arnaǵan Úndeýinde osy máselege basa mán berildi», – dedi. Senator Konstıtýsııaǵa engiziletin ózgerister memlekettik bılik tarmaqtary jumystarynyń nátıjeliligi men tıimdiligin, tepe-teńdigi men jaýapkershiligin arttyratynyna senim bildirdi, dep habarlady Parlament Senatynyń baspasóz qyzmeti.