Qazaqstan bastamalary – álem úshin mańyzdy

Men búgin Qazaq­stannyń BUU Qa­ýipsizdik Keńesindegi turaqty emes múshe­li­gindegi qyzmeti men Prezıdent Nursultan Nazarbaevtyń jýyr­da jarııalaǵan Qazaq­stannyń saıası júıe­sindegi ózgeristerge qatysty reformasy tý­raly óz pikirimdi bildirgim keledi. Prezıdent N.Nazarbaevtyń bılik tarmaqtary arasynda ókilettikterdi qaıta bólý jó­nin­degi Úndeýiniń mańyzy óte joǵary. Meniń oıymsha, Pre­zıdent N.Nazarbaev usyn­ǵan konstıtýsııalyq reformalar, Qazaqstandaǵy bılik tar­maq­tarynyń arasynda teńdik ornatý, Parlament pen sot júıesine barynsha kóbirek ókilettik berý – maqtaýǵa turarlyq qadam. Muny Qazaqstannyń saıası jáne ekonomıkalyq damýyndaǵy jańa kezeń dep sanaımyn. Prezıdent óz sózinde atap ótkendeı, Táýelsizdiktiń al­ǵash­qy jyldarynda Qazaqstan Res­pýblıkasyna prezıdenttik ver­tıkalǵa negizdelgen kúshti saıa­sı júıe qajet boldy. Sonyń arqa­synda, el tańǵalarlyq jańa­rýlardan ótip, joǵary qarqyndy ekonomıkalyq ósimge, jan basyna shaqqandaǵy joǵary tabysqa, ekonomıka, bilim berý men ǵylym, sport jáne basqa da salalarda kóptegen ıgilikterge qol jetkizip, burynǵy Keńes Odaǵy res­pýb­lı­kalarynyń ishin­­degi eń damyǵan mem­­leketke aınalý múm­kindigine ıe bol­dy. Bul kezeń ta­­bys­ty aıaqtaldy, en­di Qazaqstan bılik tar­­­maqtarynyń ara­­­syndaǵy tepe-teń­dikti, demok­ra­tııa úrdisterin nyǵaıtatyn ja­ńa kezeńge aıaq basty. Bizder, mek­sıkalyqtar, Qazaqstanǵa Ortalyq Azııanyń odan ári damýyna negiz bolyp tabylatyn tabys pen turaqtylyq tileımiz. Pikir bildirgim kelip otyrǵan ekinshi másele – Qazaqstannyń BUU Qaýipsizdik Keńesine turaqty emes múshe retinde qatysýy. Bul oraıda, tuńǵysh ret Ortalyq Azııanyń memleketi BUU Qaýipsizdik Keńesine múshe bolyp otyrǵanyna erekshe toqtalǵym keledi. Ortalyq Azııa sońǵy jyldary dúnıejúzilik tártip qurylymynyń ózgerýinde aıryqsha mańyzdy aımaqqa aınalyp kele jatqanyn kórip otyrmyz. Meksıka men Qazaqstannyń ustanymdary, ásirese, ıadrolyq qarýdan azat álem úshin kúreste ózara sáıkes keledi. Meksıka álemdegi ıadrosyz aımaq qalyp­tas­tyrýdaǵy eń alǵashqy Tla­telolko kelisimine qol qoıý jónindegi kelissózderdiń pıo­­neri bolyp tabylady, al Qazaqstan – Ortalyq Azııadaǵy alǵashqy ıadrosyz aımaqtyń qalyptasýyna negiz bolǵan Semeı kelisiminiń lokomotıvi. Biz bul iste birgemiz. Iаdrolyq qarý­dan azat álemge qol jetkizý úshin biz ózara tyǵyz áriptestik qaty­nastarymyzdy odan ári jal­ǵastyrýymyz kerek dep oı­laımyn. Bul ońaı emes. Degenmen, biz osy oraıdaǵy óz ustanymdarymyzǵa adal bolyp qalamyz. Sonymen qatar, men Qa­zaq­stannyń qazirgi sátte negizgi halyqaralyq qaqtyǵystarda dáneker el retinde basty róldi oıdaǵydaı atqaryp jatqanyn atap ótkim keledi. Prezıdent N.Nazarbaev Reseı men Túrkııa arasyndaǵy qaqtyǵystardy retteýge súbeli úles qosty, bul Taıaý Shyǵystaǵy beıbitshilikti qoldaý úshin asa qajet edi. Sondaı-aq, taıaýda ǵana beıtarap Astanada Sırııadaǵy jaǵdaıǵa baılanysty atys rejimin toqtatýdy qadaǵalaý máseleleri boıynsha Túrkııa, Reseı jáne Iran bastamashy bolǵan beıbit kelissózder ótti. Men Ortalyq Azııa úshin, ıadrolyq qarýdan azat álem qurýǵa, sonymen qatar, qarama-qaıshylyqtardy retteýge, izgilikti ister atqarýǵa, syndarly beıbit kelisim arqyly qaqtyǵystardy joıýǵa umtylǵan barlyq elder úshin Qazaqstannyń daýysy aıryqsha mańyzdy dep sanaımyn. Qazirgideı qıyn kezeńde Qazaqstan uly derjavalar arasynda tepe-teńdikti qamtamasyz etý jáne damýshy elderge qoldaý kórsetý boıynsha asa mańyzdy ról atqarady. Marta Elena Frederıka Barsena KOKIý, Meksıkanyń Qazaqstandaǵy elshisi qyzmetin qosa atqarýshy (rezıdensııasy Ankarada ornalasqan)