Qazaqstan Respýblıkasy Qarjy mınıstrliginiń buıryǵy

2017 jylǵy 11 qańtar №12 Astana qalasy «Keden odaǵynyń kedendik shekarasy arqyly jeke tulǵalar ótkizetin taýarlardy jeke paıdalanýǵa arnalǵan taýarlarǵa jatqyzýdyń krıterıılerin belgileý týraly» Qazaqstan Respýblıkasy Qarjy mınıstriniń 2015 jylǵy 31 naýryzdaǵy №250 buıryǵyna ózgergizý týraly «Qazaqstan Respýblıkasyndaǵy keden isi týraly» Qazaqstan Respýblıkasynyń 2010 jylǵy 30 maýsymdaǵy Kodeksiniń 464-babynyń 3-tarmaǵyna sáıkes buıyra­myn: 1. «Keden odaǵynyń kedendik shekarasy arqyly jeke tulǵalar ótkizetin taýarlardy jeke paıdalanýǵa arnalǵan taýarlarǵa jatqyzýdyń krıterıılerin belgileý týraly» Qazaqstan Respýblıkasy Qarjy mınıstriniń 2015 jylǵy 31 naýryzdaǵy №250 buıryǵyna (Normatıvtik quqyqtyq aktilerdi memlekettik tirkeý tiziliminde №10120 bolyp tirkelgen, «Ádilet» aqparattyq-quqyqtyq júıesinde 2015 jylǵy 21 sáýirde jarııalanǵan) mynadaı ózgeris engizilsin: Keden odaǵynyń kedendik shekarasy arqyly jeke tulǵalar ótkizetin taýarlardy jeke paıdalanýǵa arnalǵan taýarlarǵa jatqyzýdyń krıterııleri osy buıryqqa qosymshaǵa sáıkes redaksııada jazylsyn. 2. Qazaqstan Respýblıkasy Qarjy mınıstrliginiń Memlekettik kirister komıteti (A.M. Teńgebaev) zańnamamen belgilengen tártipte: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin jáne resmı jarııalaýyn; 2) osy buıryqtyń Qazaqstan Respýblıkasy Qarjy mınıstrliginiń ınternet-resýrsynda ornalastyrylýyn qamtamasyz etsin. 3. Osy buıryq alǵashqy resmı jarııa­lanǵan kúninen keıin on kúntizbelik kún ótken soń qoldanysqa engiziledi. Qazaqstan Respýblıkasynyń Qarjy mınıstri B.SULTANOV