Mereıdi ústem etti medal sany

Qysqy Ýnıversıadanyń dástúri boıynsha jarystyń eń sońǵy kúni eń sońǵy oıyn ádettegideı eń qyzyqty sport­tyq oıyn túrine – shaıba­ly hokkeıge beriletini bar desek, ol rásim Almatyda da buzylmady. Qazaqstan men Reseı arasyn­daǵy hokkeıshiler óte tamasha oıyn kórsetti. Ádette, fýtbolda 3-4 dop­tan joǵary gol salynǵan jaǵdaıda «hokkeıdiń ese­bindeı» boldy dep kóter­melep jatar edi. Búgingi oıyn, kerisinshe, «fýtboldyń ese­bindeı» bolyp úsh kezeńde jalǵyz shaıba soǵylyp, aqyrǵy oıyn 1:0 esebimen Reseı komandasynyń paıdasyna sheshildi. Qazaqstan hokkeıshileri Ýnıver­sıadanyń eń soń­ǵy kú­mis me­dalymen ma­ra­pattalyp, Almatydaǵy jas­­tyq jigerdiń alaman jary­syn aıaqtady. Ýnıversıada oıyndary jabylatyn kúni – erteńgisin shańǵyshylarymyz 30 shaqy­rymdyq klassıkalyq stıldegi jarysqa shyq­ty.Shańǵyshy Sergeı Maly­­shev mass-starttyń qory­tyndysy boıynsha Qazaqstan qorjynyna 35-shi medaldy, ıaǵnı 17-shi qola júldeni alyp keldi. Barsha qaýymnyń kóńi­liniń toǵaıyp otyrǵan jaıy bar. Qysqy sport túri­nen ótken básekede Qazaq­stan sportshylary buryn-sońdy mundaı sport­tyq nátıjege qol jetkizip kórmepti. Eń sońǵy ótken Ispa­nııanyń Granada (2015 j.) qalasyndaǵy Ýnıver­sıadada elimizdiń sportshy stýdentteri 5 altyn, 2 kúmis, 7 qola medal alǵan edi. Almatyda ol kórsetkish jalpy esep boıynsha 3 eseden asyp jyǵyldy. Barlyǵy 36 medaldyń – 11-i altyn, 8-i kúmis, 17-si qola júlde. Bul ózi mereıdi ústem etken maýsym boldy! Sany jaǵynan Alma­tyǵa eń kóp kelgen Reseı­diń 219 sportshysy óz jan­kúıerleriniń úmitin aqtady. HHVIII Dúnıe­júzi­lik qysqy Ýnıversıada endigi kezekte 2019 jyly Reseıdiń Sibir aımaǵynda – Krasnoıarsk qalasynda ótedi. Qazaq jerinde laıyq­ty oıyn órnegin kórset­ken Ońtústik Koreıa memle­ketiniń sportshylary Qazaq­stanmen ıyq túıistire jú­rip, 11 altyn, 5 kúmis, 5 qolamen úshinshi orynǵa taban tiredi. Japonııa, Qytaı sportshylary 6 jáne 5 altyn medalmen tórtinshi jáne besinshi oryndy bólisti. Talǵat SÚIINBAI, «Egemen Qazaqstan» ALMATY