9 aqpanǵa arnalǵan aýa raıy

9 aqpan kúni eldiń basym bóliginde atmosferalyq fronttardyń ótýine baılanysty keı jerlerde qar jaýady, jekelegen aımaqtarda jaýyn-shashyn qatty bolady, tuman, kóktaıǵaq, burqasyn bolyp, jel kúsheıedi. «Qazgıdromet» RMK-nyń habarlaýynsha, Aqmola oblysynyń keı jerlerinde burqasyn kútiledi, tuman túsip, 15-20 m/s kúshpen soqqan jeldiń ekpini kúndiz 23 m/s jetýi yqtımal. Almaty oblysynyń Jalańashkól aýdanynda túnde 17-22 m/s ekpindegi jel 25 m/s kúsheıýi múmkin. Jambyl oblysynyń keı jerlerinde burqasyn, tuman, kóktaıǵaq bolady, 15-20 m/s jyldamdyqpen soqqan jel 23-28 m/s kúsheıedi, oblystyń ońtústik-batysynda onyń ekpini 30 m/s asady.  Ońtústik Qazaqstan oblysynyń keı jerlerinde tuman, kóktaıǵaq kútiledi, kúndiz óńirdiń basym bóliginde 15-20 m/s kúshpen jel soǵady, túnde onyń ekpini 23 m/s artady. Túnde Qyzylorda oblysynyń keı aýmaqtarynda jel 15-20 m/s kúsheıedi. Qostanaı  oblysynyń  basym bóliginde burqasyn kútiledi, keı jerlerinde jel 15-20 m/s artady. Soltústik Qazaqstan oblystarynyń jekelegen jerlerinde  burqasyn soǵyp, jel 15-20 m/s kúsheıedi. Pavlodar oblysynyń  keı bólikterinde burqasyn kútiledi, kúndiz basym aýmaqta 15-20 m/s ekpinde jel turady, onyń jyldamdyǵy keı jerlerde 25 m/s jetýi yqtımal. Qaraǵandy  oblysynyń  jekelegen jerlerinde burqasyn, tuman  boljanady, kúndiz  basym bóliginde 15-20 m/s kúshpen jel soǵady, onyń ekpini keı jerlerde  23-28 m/s, 30 m/s-qa artady. Shyǵys Qazaqstan oblysynyń  keı jerlerinde burqasyn, tuman kútiledi, jeldiń ekpini 25 m/s jetedi.