Shymkentte et kombınaty ashyldy

Shymkentte tuńǵysh ret iri kólemde et jáne et ónimderin óndiretin kombınat ashyldy. Ol kúnine 3000 qoı jáne 300 iri qara mal etin óńdeýge qaýqarly, dep habarlaıdy «QazAqparat». Tamaq ónerkásibin órkendetýge múddeli «IýKO-EKO-FÝD-tyń» ashylý saltanatyna Irannan kelgen seriktester de qatysty. Endi óńirdegi shúıgin, ári ekologııalyq taza et musylman elderine de eksporttalady. Oblys ákimi Janseıit Túımebaev pen Iran Islam Respýblıkasynyń aýyl sharýashylyǵy mınıstri  jańadan ashylǵan et kombınatynda bas qosty. Maqsat – eki tarap birlesip ashqan «IýKO-EKO-FOOD» JShS-men tanysyp,  ary qaraıǵy eksporttyq áleýetin talqylaý boldy. Nysan jańa zaman talaptaryna saı jabdyqtalǵan. Iran Islam memleketiniń etke qajettiligi – jylyna 2 mln 400 tonna. Árıne, osynsha kólemdegi ónimdi bir óńirdiń óndiris orny qanaǵattandyrýy múmkin emes. Degenmen, osynyń bir bóligin osy kombınat daıyndap jetkizse de el ekonomıkasyna serpin bolmaq. Aıta keteıik, buryn kombınattyń ornynda 500-ge tarta mal basyn bordaqylap soıatyn baza bolǵan. «Qaıyp ata» degen ataýmen tanylǵan seriktestik – endi eki eldiń birlesken kásiporny sanalady. Mamandardyń sózinshe, munda soıylǵan et – ekologııalyq taza. Baǵasy da qoljetimdi. Zaýyt tolyq qýatyna engende 150 jergilikti azamat jumyspen qamtylady. Bul óz kezeginde ońtústikqazaqstandyqtardyń eńbek naryǵyndaǵy belsendiligin arttyra túspek.