Dáýren Abaev memlekettik basylymdarǵa júkteletin mindetterdi atady

QR Aqparat jáne kommýnıkasııalar mınıstrliginiń keńeıtilgen alqa májilisinde vedomstvo basshysy Dáýren Abaev 2017 jyly memlekettik baspa aqparat quraldarynyń aldynda turǵan birqatar mindetterge toqtaldy. «Eń aldymen saraptamaǵa, taldaý materıaldaryna kóptep oryn berýi qajet. О́zderińiz túsinesizder, búgingi kúni óte tez aqparat taratylady. Sondyqtan sol aqparattar mazmuny men saraptamasyna saı bolýy tıis. Taǵy bir mindet - shetelderden frılanserler tartý joldaryn qarastyrý qajet. Sonymen birge sheteldiń taldaýshy mamandar pýly múmkindigin meılinshe tıimdi paıdalaný qajet», - dep atap ótti Abaev. Sonymen qatar ol birneshe basylymnyń basyn qosyp otyrǵan «Qazaq gazetteri» men «Jas órkenniń» basshylyǵyna da mańyzdy mindet júkteletindigin aıtty. «Olar: óńirlermen jumysty kúsheıtý, «Drýjnaıa rebıata» jáne «Ulan» gazetterin búgingi oqyrmannyń talaby men balalardyń suranysyna saı beıimdeý, ınternette jumysty kúsheıtý, onyń ishinde redızaın júrgizý, áleýmettik jelilerde oqyrmandy ulǵaıtý», - dedi mınıstr.   «Baspa basylymdaryn damytý jumystary sheńberinde 2016 jyly «Egemen Qazaqstan» jáne «Kazahstanskaıa pravda» gazetterine redızaın jasaldy. Qazirgi kúni bul gazetter tolyqtaı túrli-tústi formatta jaryq kórýde. Basylymdardyń bet-beınesi zamanǵa saı ózgertilip, sonymen qatar, saıttary da jańǵyrtýdan ótkizildi», - dedi ol.