Jas ziltemirshiler tabysy

Taılandtyń Pataıa qalasynda aýyr atletıkadan jasóspirimder arasynda álem birinshiligi aıaq­tal­dy. Sary qurlyqtyń kileń myq­tylary jınalǵan jarysta Qazaqstannyń ziltemirshileri ádet­tegideı tabysty óner kór­setti. 3 altyn, 1 kúmis jáne 1 qolany ıelengen qurama músheleri jalpy esepte kóshbasshy komandalar qatarynan oryn aldy. Elimiz aýyr atletıkasynyń tiz­ginin ustaǵan azamattar bul bá­sekede sanǵa emes, sapaǵa jú­gin­di. Bul joly olar nebary jeti sportshyny jarys jolyna shy­ǵa­rýdy jón kórdi. Taı eline Aq­ma­ral Nurymova (53 kılo), Má­dına Tashkenbaeva (58 kılo), Vıktorııa Vagner (69 kılo), Ǵa­lym­bek Jubathanov (69 kılo), Gennadıı Lı (77 kılo), Maksım Laktıonov (85 kılo) jáne Vasılıı Ko­shelev (94 kılo) attandy. Olar­dyń bári de elishilik básekelerde ózderiniń myqtylyǵyn moıyn­da­typ úlgergen sportshylar. Sol sebepti qyraǵy mamandar atal­ǵan jas órenderge Azııanyń bas­ty dodasynda el namysyn qor­ǵaý­dy senip tapsyrdy. Azııa birinshiligi bastaly­sy­men qurama músheleri aıanbaı kúsh synasty. Bizdiń quramaǵa al­ǵashqy altyn júldeni Ǵa­lym­bek Jubatqanov jeńip aldy. Otan­dasymyz qossaıystyń qo­ry­tyn­dy­synda 275 (125 julqı kóte­rý+150 serpe kóterý) kılo­lyq ziltemirdi basynan asyryp, basty qarsylastarynan qara úz­ip ketti. Kelesi kúni Mádına Tashkenbaeva tamasha óner kórsetti. Jul­qı kóterýdiń qorytyndysy boıyn­sha jarys qojaıyny Jaraporjýgannan qalyp qoıǵan ol ketken eseni serpe kóterý jat­ty­ǵýy ba­ry­s­ynda tolyǵymen qaı­tar­dy. Má­dınanyń nátıjesi – 186 (80+ 106) kılo. Taılandtyq sportshy biz­diń qyzdan eki kılo kem kóterdi. Taǵy bir bas júldeni Vasılıı Koshelev ıelendi. Oǵan da bul beles ońaılyqpen baǵynǵan joq. Alǵashqy jattyǵýda Qazaqstan, Ońtústik Koreıa jáne О́zbek­stan­nyń ókilderi shamamen birdeı nátıje kórsetti. Saıystyń kelesi túrinde ózbek ziltemirshisi birden múlt ketse, qalǵan ekeýi biraz tartysty. Qos myqty altyn tuǵyrǵa kóterilý úshin barynsha kúsh saldy. Desek te Lı Iаng Jaı qansha talpynǵanymen, bizdiń sportshynyń ekpinine shydaı almady. Koshelevtiń kórsetkishi – 309 (138+168) kılo. Irak sportshysy Ábýlkaten Hasımge ese jibergen Gennadıı Lı kúmis medaldi ıelense, taı eliniń qos ziltemirshi qyzdary Pornpıdaı Sıletsh pen Vassana Sharamǵa jol bergen Vıktorııa Vagner qola júldeni qanaǵat tut­ty. Aqmaral Nurymova altynshy orynǵa turaqtasa, Maksım Laktıonov jaraqatyna baılanysty básekege túsýden bas tartty. Sóı­tip, Azııa chempıonatyna qa­tys­qan Qazaqstannyń jeti zil­temirshi­si­niń beseýi elge oljaly oraldy. – Bizdiń jas sportshylardyń kóbi shetelge alǵash ret shyǵyp otyr. Tipten, aralarynda ushaqqa tuńǵysh ret otyrǵandary da bar. Soǵan qaramastan, bizdiń sport­shylar syn saǵatta syr bermedi. Jarys jolynda eshqaısysy aıa­nyp qalǵan joq. Jeńis tuǵyryna kóterilý úshin barlyǵy da janyn saldy. О́ıtkeni, Qazaqstan aýyr atletıkasynyń dańqy alysqa jaıylǵan. Búgingi tańda memleket tarapynan sporttyń osy tú­rine barynsha qoldaý kórsetilip otyr. Týrızm jáne sport mınıstrligi men «Samuryq-Qazyna» ál-aýqat qory da qoldan kelgen kómekterin aıap jatqan joq. So­nyń arqasynda kórsetkishimiz jyl­dan jylǵa jaqsarýda. So­nyń barlyǵy jasóspirimder úsh­in úlken demeý boldy. Nátı­je­sinde Qazaqstan quramasy óziniń myqtylyǵyn sary qurlyqtyń basty dodasynda da moıyndatty, – dedi respýblıka Aýyr atletıka federasııasynyń prezıdenti Qaı­rat Turlyhanov. Osymen, aýyr atletter úshin synaq aıaqtalǵan joq. 16-22 qyr­kúıek aralyǵynda Taldyqorǵan qalasyndaǵy Qazaqstan Res­pýb­lı­kasynyń III jazǵy Sparta­kıa­dasy aıasynda aýyr atletterdiń dúbirli dodasy ótedi. Oǵan eli­mizdiń eń myqty degen ziltemirshileri qaty­sady. Sol jarystyń qorytyn­dy­sy boıynsha 5-13 qa­rasha araly­ǵyn­da Parıjde óte­tin álem chem­pıo­natynda kimder óner kórse­te­ti­ni tolyqtaı belgili bolady. Fran­sııanyń astanasynda 2012 jylǵy London Olımpıadasynyń joldamalary sarapqa salynady. Dastan KENJALIN.