Velaskonyń jeńisin bıyl kim qaıtalaıdy?

Jyl ótken saıyn Qa­­zaqstandaǵy «Nurtaý» golf-klýbynyń túkti kilem sekildi jasyl alańy álemniń aıtýly golf­shy­lary arasynda ta­ny­mal bolyp keledi. Bıyl jetinshi ret uıym­das­ty­ryl­ǵan European Chall­enge Tour aıasynda, ká­sip­qoı­lardyń Kazakhstan Op­en halyqaralyq týrnırine 25 memleketten 130 sport­shy qatysýda. Júldesi de asa qomaqty, adamnyń sharshaǵan júı­­kesin tynyqtyratyn, sabyrly da salıqaly sport týrnırin turaqty tamashalap júrip, sońǵy jyl­dary bul jarysqa qatysatyn elderdiń de, aq­súı­ekterdiń oıynyna ábden mashyqtanǵan aıtý­ly oı­yn­shylardyń da artyp kele jatqanyn baıqaımyz. Sonymen, bir kezderi Elbasy Nursultan Na­zar­baevtyń bastamasymen qolǵa alynǵan ha­lyq­aralyq Kazakhstan Open týrnıri 7 qyrkúıek, sár­sen­bi kúni saltanatty túrde tusaýyn kesti. Álem­niń eń myqty degen sportshylary bul týrnırge yjdahatpen qatysatynyn aıta ketken jón. О́ıt­ke­ni, dál osy oıyndar alǵashqy úzdik jıyrma­lyq­qa engen golfshylarǵa Eýropa tórinde ótetin joǵary lıgadaǵy European Tour jarysyna joldama beredi. Qysqasy, Qazaqstandaǵy týrnır maý­symdyq oıyndardy ashyp beretin úlken sporttyq jarysqa aınalyp kele jatqanyn osy sport túrin turaqty qadaǵalaıtyn qaýym jaqsy biledi. Álemniń «men» degen golf oıynshylaryn Almatyda toǵystyrǵan týrnırdi Qazaqstan Golf federasııasynyń prezıdenti Nurtaı Ábiqaev ashyp, quttyqtaý sóz sóıledi. Ol ótken jyl­dar­dyń bederinde bul týrnır European Challenge Tour aıasyndaǵy eń jetekshi jarysqa aınalyp, álemniń golf juldyzdaryn ósirýdiń ózindik ustahanasyna aınalyp kele jatqandyǵyn atap ótti. Elimiz Golf federasııasynyń jetekshisi osy ýaqytqa deıin týrnırdiń chempıondary atanǵan Irlandııa, Ýels, Shvesııa, Ulybrıtanııa, Italııa jáne Ispanııa sportshylaryn eske saldy. Máselen, ótken jyly «Jaılaý» golf kýror­tynda jalaýyn kótergen bul týrnırge byltyr álemniń 24 elinen 132 sportshy qatysqany esimizde. Onda birinshi oryndy 267 soqqymen ıspandyq Alberto Velasko jeńip alyp, bul júldesi oǵan Chelendj Týr reıtınginde kósh bastaýǵa múmkindik bergen bolatyn. Osy kúnderi «Nurtaý» golf-klýbynda jarys qyzý júrip jatyr. Syrttaı tamashalaǵan jan­dar­ǵa sportshylar asa sabyrly, baıyppen oıyn ót­kizip jatqandaı kóringenimen, olardyń shıryǵýly ekenin de ańǵarý qıyn emes. Al úzdik oıynshynyń esimi erteń, jeksenbi kúni belgili bolady. Al týrnır aıasynda ótken baspasóz máslıhaty kezinde Týrızm jáne sport mınıstriniń oryn­ba­sa­ry Murat Omarov golf oıyny elimizde qulashyn jaıyp kele jatqanyn jáne oıynshylardyń sheberligi da artqanyn atap ótti. Vıse-mınıstr biz­diń kásipqoı golfshylarymyz 2016 jyly ótetin Olımpııa oıyndaryna qatysa almasa da, 2020 jylǵy dodada baq synap qalýy ǵajap emestigin kóldeneń tartty. Jýrnalıstermen ótken kezdesý barysynda Eu­ropean Challenge Tour dırektory Alan le Soýltre ádettegideı «Nurtaý» golf alańdarynyń bapta­l­ýy halyqaralyq deńgeıde ekenin málimdep, Qa­zaqstan bul halyqaralyq týrnırge únemi úlken daıyndyqpen keletinin jetkizdi. Onyń oıynsha, sheteldik kásipqoı sportshylar bul týrnırge qýa­na-qýana kelisim beredi. Alataýdyń ásem baýraıy, qazaqtyń erek qonaqjaılyǵy týrnır barysynda tamasha ahýal qalyptastyra alady, deıdi laýa­zym­dy meıman. Alan le Soýltre elimizdegi golf alańdarynda balalardyń da kóptep golf taıaǵyn arqalap júretini – bekzat sport túriniń bizdiń elimizde keleshegi myqty bola alatynyna alǵyshart ekenin atap kórsetti. Al halyqaralyq týrnır barysyna kelsek, Ka­zakh­stan Open-2011 oıyndarynda European Chal­lenge Tour reıtınginiń alǵashqy úshtigine kiretin kil myqtylar júr. Olar – portýgalııalyq Rıkkardo Santos, fransýz Bendjamın Hebert jáne aǵy­l­shyn azamaty Denıel Denıson. Sol sııaqty buryn Reseıdiń myqty tennısshisi bolǵan, qazir golfta keleshegi kúshti dep esepteletin Evgenıı Kafel­nı­kovtiń oıynyn kórýge qumarlar da jetkilikti. Qalaı desek te, kásipqoı golfshylardyń qa­zaq­standyq týrnıri áli talaı jannyń juldyzyn ja­ǵatyn bolady. Al ótken jyly bas júldeni jeńip alyp, qomaqty qarajatty qaltasyna basqan Alberto Velaskonyń baǵyn bıyl kim qaıtalaıdy eken? Aınash ESALI, Almaty. Sýretterdi túsirgen Bersinbek SÁRSENOV.