Jaqııanov pen Ýorren kózqarastar dýelin ótkizdi

Jeńil salmaqtaǵy WBA tujyrymynyń «sýperchempıony» Roýshı Ýorren (14-1, 4 KO) men WBA tujyrymy belbeýiniń ıegeri Janat Jaqııanov kóz arbasty, dep habarlaıdy vesti.kz. Bul eki boksshylar arasyndaǵy kezdesý erteń, 10 aqpan kúni Toledo qalasynda (AQSh, Ogaıo shtaty) ótedi. Bul jekpe-jekke 29 jastaǵy amerıkalyq boksshy jeńil salmaqtaǵy WBA (Super) jáne IBO tujyrymdary boıynsha chempıondyq belbeýlerin tikse, 33 jastaǵy Jaqııanov WBA tujyrymynyń belbeýin qoıyp otyr. Búgin jekpe-jekke bir kún qalǵanda qos sportshy kóz arbasyp, tilshilermen suhbattasty. «Bul men úshin asa mańyzdy jekpe-jek. Men álemniń "sýperchempıonymyn", biraq maǵan áli kóp nárse isteýim kerek. Jeńil salmaqtaǵy barlyq chempıondyq belbeýlerdi jınaýdy maqsat etip otyrmyn. Al qazir chempıondyq ataǵymdy qorǵaýym qajet. Jaqııanovty jeńgennen keıin men belbeýlerimdi basqa boksshylarmen judyryqtasyp qorǵaýǵa daıynmyn», – deıdi baspasóz jıyny barysynda Ýorren. Aıta keteıik, Ýorrenge qarsy kezdesý Jaqııanovtyń AQSh jerinde ótkizeıin dep jatqan birinshi jekpe-jegi. Buǵan deıin otandasymyz Qazaqstan, Monako, Bolgarııa, Avstralııa, Belarýs, Anglııa, Soltústik Irlandııa, Gonkong, Shveısarııa, О́zbekstan, Taıland jáne Reseı jerinde judyryqtasqan edi.