Alaqoldyq alysqa aparmaıdy

Jaqynda Ońtústik Qazaqstan oblys­tyq enshiles memlekettik kásiporynda Jer resýrstaryn basqarý agenttiginiń “Jer resýrstary jáne jerge ornalas­ty­rý memlekettik ǵylymı-óńdiristik orta­ly­ǵy” res­pýblıkalyq memlekettik kásip­oryny bas dırektorynyń orynbasary S.Seıdahmetov, quqyqtyq qamtamasyz etý jáne mem­lekettik satyp alý basqar­masynyń bas­tyǵy N.Salybekov, Jer resýrstary jáne jerge ornalastyrý ǵy­lymı-ón­di­ris­tik ortalyǵynyń Ońtústik Qazaqstan enshiles memlekettik kásip­or­ny­nyń dırek­to­ry N.Turashbekov jáne osy kásiporynnyń ortalyq ujym bas­shy­lary men aýdandyq (qalalyq) jer-kadas­try fılıaldarynyń jetekshileri qaty­sýy­men jedel keńes ótkizildi. Kún tár­tibinde Saryaǵash aýdan­dyq jer-kadastry fılıalynda oryn alǵan zań buzýshylyq oqıǵasy talqylandy. Saryaǵashtaǵy oqıǵaǵa beı-jaı qaraý­ǵa bolmaıdy. Aýdandyq fılıal basshysy aldyna jer surap kelgen qarııadan tórt mıllıon teńge talap etken. Mem­le­ket­tiń emes, óziniń jekemenshik jerin saýdalap otyrǵandaı álgi aqshany alǵan. Mundaı beıbastaqtyq tıisti sala bas­shylarynyń shuǵyl jıyn ótkizýine sebep bolǵanǵa uqsaıdy. Atalǵan kezdesýde sybaılas jemqor­lyq­pen kúresti kúsheıtý máselesi men aldaǵy ýaqytta kemshilikterdi boldyrmaý úshin is-sharalar qabyldandy. – Búgingi basqosýdyń qanshalyqty ma­ńyzdy ekenin barshańyz da sezinip otyr­ǵan bolarsyzdar. Jemqorlyqtyń beleń alýy biz­­diń bul másele týraly ózara jaý­ap­ker­shi­ligimizdiń tómendigi, naqty is áre­ket­tiń júr­gizilmeı otyrǵandyǵyn kórsetedi. Sondyqtan jemqorlyqpen kúres qa­­tań júrgizilýi qajet. Eshkimniń laýa­zy­my­na, shen-shekpenine qaraýdyń qajeti joq. Qylmys jasaǵan adam qandaı jaǵdaıda da jaýapqa tartylýy tıis, – degen S.Seıdahmetov talqylanyp otyrǵan máseleni oryndaý úshin birqatar is-sharalardy júze­ge asyrýdy tapsyrdy. Baqtııar TAIJAN, Ońtústik Qazaqstan oblysy.