Rektor halyqaralyq «Qazaq tili» qoǵamy oblystyq uıymynyń tóraǵasy boldy

Memlekettik tildiń mereıin ús­tem etýde halyqaralyq «Qazaq tili» qoǵamynyń úlesi zor. Osy qoǵamnyń oblystyq uıymynyń besinshi esep berý-saılaý jı­na­lysynda sońǵy on jylda atqa­ryl­ǵan sharýalarǵa sholý jasa­lyp, ilkimdi ister men sheshimin kútken máseleler ortaǵa salyn­ǵa­nymen, negizinen qazaq tiliniń qa­dirin arttyrý jáıi áńgime ózegine aınaldy. Baıandama synı qalypta órbidi. Aqtóbe qalalyq, Hromtaý jáne Baıǵanın aýdandyq bastaý­ysh uıymdarynyń jetekshileri Ábdirash Esmahan, Márııam Juma­ǵalıeva, Gúljan Dýlatbaeva ózde­rinde atqarylǵan isterdi egjeı-tegjeıli baıandady. Budan keıin shyǵyp sóıleýshiler sońǵy jyl­dary uıymnyń jumysy báseńsip ketkenin tilge tıek etti. Bul ba­ǵytta birqatar sharýalar atqaryl­ǵanyna qaramastan memlekettik tildi damytýdaǵy túıtkilderdiń jetkilikti ekenin de jasyrmady. Oblystyq uıym jumysyn júrgi­zýdegi bir saryndylyq qalyptas­qany, serpindiliktiń joqtyǵy or­taq oıǵa tamyzyq boldy. Professor Nıetjan Berikov memlekettik tildi damytýǵa qolbaılaý kedergi­lerdiń túıinip tarqata kelip, memlekettik tildiń damýyna negizinen orys tildi qazaqtardyń yntaly emes ekendigin aıtty. Ardager jýrnalıst Idosh Asqar uı­ym jumysyn basqarýdaǵy aǵat­tyq­tardy, uzaq ýaqyt uıymnyń jı­nalysy ótpegenin alǵa tarta kelip, onyń tizginin jigerli, bastamamen jumys isteıtin jastarǵa berýdi usyndy. «Beıbitshilik pen kelisim» keńesi oblystyq bólim­shesiniń tóraǵasy Keldibaı Espa­ǵambetov memlekettik tildiń tórge ozýyna jergilikti bılikti aralas­tyrý kerektigin aıtsa, qalalyq ba­lalar aýrýhanasynyń bas dári­geri Qaıyrbek Toqtarov bılik ba­syndaǵylardyń balalaryn qazaq mektepterinde oqytýǵa qulyqsyz­dyǵyn synǵa aldy. Sonda olar óziniń memleketiniń bolashaǵyna senbeı me dep ashyna sóıledi. Ob­lystyq tilderdi damytý basqar­ma­sy­nyń bastyǵy Seksenbaı Kú­limbetov is qaǵazdaryn qazaq tilinde júrgizýge mán bermeı otyr­ǵan basqarmalar men departa­ment­­terdiń atyn atap, túsin tús­tedi. Memlekettik tildi qoldaný­dyń bank, quqyq qorǵaý salala­ryn­da kemshin soǵyp jatqanyn jasyrmady. Shyny kerek, jına­lysqa qatysýshylar qazaq tiliniń qadiri qaıtse artady degen tol­ǵaq­ty máseleni qozǵap, osy tóńi­rek­te oı órbitti. Oblystyq uıymnyń esep berý-saılaý jınalysyna halyq­ara­lyq «Qazaq tili» qoǵamynyń prezıdenti О́mirzaq Aıtbaıuly qaty­syp, sóz sóıledi. Oblystyq uı­ym­nyń jańa tóraǵasy bolyp Aq­tóbe memlekettik pedagogıkalyq ınstıtý­ty­nyń rektory, ekono­mı­ka ǵy­lym­darynyń doktory Ǵa­lym­jan Nuryshev biraýyzdan saılandy. Satybaldy SÁÝIRBAI, Aqtóbe oblysy.