Pavlodarda 2,7 mlrd teńgege basseın salynady

Pavlodarda Ýsolka móltek aýdanyndaǵy 50 metrlik basseınniń qurylysyna 2,7 mlrd teńge jumsaý kózdelip otyr, dep habarlaıdy pavlodarnews.kz. Bul týraly qala ákimi Nurjan Áshimbetovtiń turǵyndarmen ótkizgen eseptik kezdesýinde aımaq basshysy Bolat Baqaýov málim etti. «Bıyl kópshiliktiń suraýymen jáne depýttardyń qoldaýymen onkologııalyq ortalyqtyń qurylysy bastalady. Atalmysh nysan respýblıkalyq bıýdjet esebinen boı kóteredi. Sondaı-aq, Ýsolka móltek aýdanynda bıiktigi 50 metr basseın salynady. Oǵan ERG kompanııasy 2 mlrd 700 mln teńge qarjylaı qoldaý kórsetýge nıet bildirýde», - dedi oblys ákimi. Sondaı-aq qala ákiminiń esep berý kezdesýinde aýlalardy abattandyrý jumystary boıynsha saýaldar qoıyldy. «Búgingi tańda Pavlodar qalasynda 370 aýla jóndeýdi qajet etedi. Bıylǵy jyly 131 aýla retke keltiriledi. Bul maqsatta bir mıllıard teńge bólindi. Úsh jyl ishinde biz barlyq aýlalarda abattandyrý jumystaryn jasaımyz. 2020 jylǵa qaraı qalada barlyq aýlalar kóriktendiriledi», - dep sendirdi Bolat Baqaýov.