Qazaqstandyq shańǵyshy dopıng máselesi jaıly pikirin bildirdi

Qazaqstandyq shańǵyshy Olga Poltoronına Avstrııada ótip jatqan álem birinshiligindegi dopıng daýy jaıly óz pikirin bildirdi. «Keshke qaraı bólmemizge beıtanys adamdardyń topyrlap kelip, qorshap alǵanynda qyzyq bir jaǵdaıda qaldyq. О́zimizdi sportshy emes beıne bir qolyna qarý ustap, terrorlyq shabýyl uıymdastyraıyn dep jatqandar sekildi sezinip qaldyq. Aldymen dopıng tekseris boldy, artynsha polıseıler búkil bólmelerdi tintip shyqty. Osydan keıin bárimizdi alyp ketip, suraqtyń astyna aldy. Túni boıy kóz ilmeı shyqtyq. Munyń sońy bizdiń paıdamyzǵa sheshiletinine senimdimin. Sebebi, biz tyıym salynǵan dári-dármek qoldanǵan emespiz», – dedi Poltoronına. Aıta keteıik, birer kún buryn janarmaı quıý beketteriniń birinde belgisiz sportshylar medısınalyq qaldyqtar salynǵan qoraptar men jarys qujattaryn tastap ketken. Mine, osylardyń arasynda qazaqstandyq komanda dárigerleriniń qaǵazdary tabylǵan. Avstrııanyń dopıngke qarsy ulttyq ortalyǵy osyǵan baılanysty sportshylarymyz ornalasqan qonaq úıdi tintip shyqty. R-Sport málimetine sáıkes, tekserý jumystaryna 30 polıseı jumyldyrylǵan.