Qaraǵandy oblysynda turǵyn úı arzandady

Qaraǵandy oblysynyń baspana naryǵynda baǵa tómendep keledi, dep habarlady QazAqparat. Ulttyq ekonomıka mınıstrligi statıstıka departamentiniń málimetteri boıynsha, jańa baspananyń bir sharshy metriniń satylym baǵasy 2016 jyldyń qarasha aıymen salystyrǵanda 0,3 paıyzǵa arzandap, 247,4 myń teńgeni quraǵan. «Abattandyrylǵan baspanany qaıta satý quny 0,1 paıyzǵa arzandap, 188,6 myń teńge bolǵan. Al mundaı baspanalardy jalǵa alý baǵasy ózgerissiz qaldy jáne sharshy metri 1278 teńgeni qurady», - dedi óńirdegi statıstıka departamentiniń baspasóz qyzmeti. Qaraǵandydaǵy páter satylymy segmentindegi baǵa aýytqýlary shamaly. «Ýaqyt alatyn ıpotekasyz jáne ózge de tólem túrlerinsiz, qolma-qol tóleý kezinde qaıtalama naryqtaǵy páter ıeleri aıtarlyqtaı arzan baǵaǵa satady. Iаǵnı, qolma-qol tólem jasaýshylarǵa jeńildik bolady», - dep atap ótti statıstıka departamenti. Monıtorıngtiń kórsetýinshe, Qaraǵandynyń qaıtalama naryǵynda úsh bólmeli páterdi shamamen 11 mıllıon 474 myń teńgege alýǵa bolady. Jańa salynǵan úıler - 15 mıllıon teńgeniń aınalasynda. Eki bólmeli páterler 8-9 mıllıon teńgege baǵalanýda. Bir bólmeli páterdi 5-6 mıllıon teńgege alýǵa bolady. Kez kelgen satýshy saýdalasýǵa, baǵany tómendetýge daıyn.