Qazaqstanda Germanııamen birlesken 19 ınvestjoba jumys isteıdi

Qazaqstan Respýblıkasy men Germanııa Federatıvtik Respýblıkasynyń arasynda dıplomatııalyq qatynastyń ornatylǵanyna 25 jyl tolady, dep habarlady Syrtqy ister mınıstrliginiń baspasóz qyzmeti. Shırek ǵasyr ishinde qazaq-german qatynasy joǵarǵy damý deńgeıine jetti, eki el arasynda senimdi jáne mazmundy dıalog ornady. Berik quqyqtyq baza qurylyp, qomaqty kólemde dıalogtyq alańdar men ınstıtýttar – Saýda-ekonomıkalyq yntymaqtastyq jónindegi úkimetaralyq jumys toby, Qazaq-german iskerlik keńesi, Ortalyq Azııadaǵy german ekonomıkasynyń ókildigi, Berlın Eýrazııalyq klýby jáne t.b jumys atqarady. QR Prezıdenti N.Nazarbaevtyń 2012 jylǵy aqpan aıynda Berlınge jasaǵan sapary men Germanııanyń kansleri A.Merkeldiń 2010 jyly Astanaǵa jasaǵan sapary ekijaqty yntymaqtastyqqa aıtarlyqtaı túrtki berdi. Qazaq-german saýda-ekonomıkalyq qatynasy turaqty nyǵaıýda jáne ózara ekonomıkalyq ózara is-qımylǵa jańa múmkindikter izdestirilý ústinde. Qazirgi tańda Qazaqstan ekonomıkasynyń sheteldik ınvestorlarynyń arasynda Germanııa basty ondyqqa jáne memleketimizdiń saýda seriktestiginiń basty bestigine kiredi. «Sońǵy jyldary Qazaqstan german kompanııalarymen birlesip qurylys, saýda, ónerkásiptik óndiris jáne ken oryndaryn óńdeý salalarynda 19 aýqymdy ınvestısııalyq joba júzege asyryldy. Siemens, Knauf, MetroCash&Carry, Heidelberg Cement, Quaesta Capital, Linde AG jáne basqa da nemis kompanııalary elimizdiń iri áriptesteri bolyp tabylady», - delingen  habarlamada. Qazaqstan men Germanııa arasyndaǵy shıkizat, ónerkásip jáne tehnologııalyq salalardaǵy áriptestik týraly ortaq Kelisimniń iske asyrylýy eki el arasyndaǵy saýda-ekonomıkalyq yntymaqtastyqtyń damýynda mańyzdy ról atqarady. Germanııa balamaly energııa salasyndaǵy jańa zerttemelerdi usyna otyryp, Qazaqstanda EKSPO - 2017 kórmesin ótkizý jáne oǵan daıyndalý barysyna belsendi qatysady. 2012 jyldan bastap Qazaqstanda qosarly kásiptik-tehnıkalyq bilim berý salasynda «Nazarbaev-Merkel» bastamasy boıynsha germandyq model engizilýde. Bul bastamanyń maqsaty – Germanııanyń kásiptik palatasynyń aldyńǵy qatarly tájirıbesin kásiptik-tehnıkalyq bilim berýdi damytý úshin qoldaný. Qazaqstan men Germanııa basshylarynyń bastamasy aıasynda halyqaralyq yntymaqtastyq boıynsha German qoǵamy jelisimen Qazaqstanda basqarý kadrlaryn daıarlaý baǵdarlamasy iske asyrylýda. Ekonomıkalyq yntymaqtastyqtan basqa, Qazaqstanda turatyn jáne Qazaqstannan Germanııaǵa qonys aýdarǵan etnıkalyq nemister máselesine úlken saıası jáne tájirıbelik mán beremiz, sebebi bul eki el arasyndaǵy «baılanystyrýshy kópir» bolyp sanalady. Bul jaǵdaı bizdiń ózara ózara is-qımylymyzdyń mańyzdy bóligi bolyp tabylady. Sonymen qatar, 2016 j. 8 qyrkúıekte Berlın qalasynda kezekti otyrysy ótken   Úkimetaralyq komıssııanyń qyzmeti mańyzdy ról atqarady. Qazaq-german ýaǵdalastyǵynyń rýhy men qaǵıdalaryna súıene otyryp, Qazaqstan men Germanııa ózara is-qımyl men yntymaqtastyqty tereńdetýdi jalǵastyrýda jáne birikken damý men gúldenýge óz úlesterin qosýda.