Televızııa úzdikterin anyqtaıtyn «Tumar» ulttyq báıgesi jarııalandy

Erteń, 12 aqpanda «Tumar» atty I Ulttyq televızııalyq báıgesine qatysý ótinimderin qabyldaý naýqany bastalady. Sharanyń basty maqsaty – eń sapaly ári ózekti televızııalyq ónimdi anyqtaý, ilgeri jyljytý, kásibı mamandardy qoldaý. Báıgege ótken jyly efırge shyqqan televızııalyq jobalar qatysady. Osyǵan baılanysty ulttyq jáne aımaqtyq telekompanııalar, stýdııalar, prodıýserlik ortalyqtar jáne basqa da medıa óndiris uıymdary úmitker retinde qatysý úshin 24 aqpanǵa deıin óz ótinishterin joldaýy tıis. «Tumar» báıgesi myna 12 atalym boıynsha beriledi: Úzdik derekti kıno; Úzdik áleýmettik joba; Úzdik aqparattyq baǵdarlama; Úzdik aqparattyq-saraptamalyq baǵdarlama; Úzdik mýzykalyq baǵdarlama; Úzdik tok-shoý; Úzdik televızııalyq serıal; Úzdik ázil-syqaq baǵdarlamasy; Televızııalyq maýsymnyń úzdik jobasy; Televızııanyń damýyna úles qosqany úshin; Úzdik aımaqtyq aqparattyq baǵdarlama; Úzdik aımaqtyq áleýmettik baǵdarlama. Báıgeni uıymdastyrýshy - «Qazmedıa ortalyǵy», Shara Qazaqstan Respýblıkasynyń Aqparat jáne kommýnıkasııalar mınıstrliginiń qoldaýymen ótkeli otyr. Qazylar alqasy joldanǵan materıaldardy saraptap, jasyryn daýys berý arqyly laýreattardy anyqtaıdy. Qazylar alqasy qazaqstandyq televızııanyń eń kásibı mamandarynan jasaqtalady. Qosymsha aqparat resmı saıtta: www.tumar.kz, call center +7(7172) 55-36-36, elektrondyq meken-jaı info@tumar.kz.