Qashaǵan ken ornynan kúnine 450 myń barrel munaı alý josparlanyp otyr

Kaspıı teńiziniń qazaqstandyq sektorynda ornalasqan Qashaǵan ken ornynda birinshi ıgerý kezeńinde táýligine 450 myń barrel munaı óndirý josparlanýda, dep habarlady QazAqparat. «Qashaǵan ken ornyn ıgerý jobasynyń birinshi kezeńiniń paıdalaný sıkli on jyldy quraıdy, kelesi ıgerý kezeńderi qazirgi sátte josparlaý satysynda, ári biz birinshi ıgerý kezeńinde óndiristi odan ári keńeıtý jobasy aıasynda daıyndaý ınjenerlik-tehnıkalyq jumystardy júrgizýge QR Úkimetiniń maquldaýyn aldyq.  «SK01» dep atalatyn birinshi kezeń aıasyndaǵy óndiristi keńeıtý jobasy óndirý kólemin 80 myń barrelge ulǵaıtýǵa baǵyttalǵan kapıtal salymyn boljaıdy.  Úkimettiń maquldaýy 2017 jyly daıyndyq ınjenerlik-tehnıkalyq jumystaryn bastaýǵa jáne 2018 jylǵa odan ári jumystardyń josparlaryn ázirleýge múmkindik beredi. Joba aıaqtalǵannan keıin birinshi kezeńdegi óndirý kólemi táýligine 450 myń barrel maqsatty deńgeıge jete alady», - dedi «Nort Kaspıan Opereıtıng Kompanıı B.V.» konsorsıýmynyń basqarýshy dırektory Brýno Jarden.