Álem kýbogynda short-trekshilerimiz júldege talasady

Belarýs astanasy Mınsk qalasynda short-trek sportynan Álem kýbogynyń altynshy kezeńinde qazaqstandyq short-trekshiler irikteýden súrinbeı ótti, dep habarlaıdy QazAqparat. Keshe irikteý saıystary ótti. Alǵashqy kúni erler men áıelder 1000 m, 1500 m, 500 m, 1000(2) m jáne estafeta saıystary boıynsha baq synady. 500 metrge qatysqan úsh sportshymyz da fınaldyq kezeńderge joldama aldy. О́z tobynda Abzal Ájiǵalıev, Denıs Nıkısha jáne Aıdar Bekjanov úzdik shyǵyp, jalpy esepte kósh bastady. 1000 metrde de úsh birdeı sportshymyz (Nurbergen Jumaǵazıev, Abzal Ájiǵalıev, Denız Nıkısha) júldege talasatyn bolady. О́kinishke oraı, 1500 metrde sportshylarymyz irikteýden óte almady. Bul synǵa ulttyq qurama bapkerleri jastardy qosýdy jón sanaǵan. Odan bólek erler quramasy estafetada irikteýden sátti ótti. Qyzdarymyz joǵaryda atalǵan qashyqtyqtar arasynan tek 1000 metrde ǵana jaqsy nátıje kórsete aldy. Krestova Anastasııa men Kım Iong kelesi kezeńge ótti. Estafetada quramamyz óz tobynda úshinshi oryn alyp, kelesi kezeńge shyǵa almady. Buǵan deıin bas bapker Qarsybekov: «Almatyda ótken Ýnıversıada oıyndarynda 1 kúmis jáne 3 qola medalmen shekteldik. Maqsatymyz bir altyn edi. О́kinishke qaraı, sáttilik joldas bolmady. Endi osy álem kýbogynda bar kúsh-jigerimizdi jumsap, altyn alýǵa tyrysamyz», - degen bolatyn.