Boksshy Madııar Áshkeevtiń kelesi qarsylasy belgili boldy

Qazaq kásipqoı boksshysy Madııar Áshkeevtiń kelesi qarsylasy belgili boldy. Bul týraly vesti.kz habarlady. Madııar Áshkeev kelesi kezdesýin 34 jastaǵy amerıkalyq boksshy Shon Kemeronǵa qarsy ótkizedi. 2012 jyly kásipqoı boksqa kelgen Kemeron 12 kezdesý ótkizip, 10 jekpe-jekte jeńiske jetip (onyń 5 nokaýtpen jeńgen), tek sońǵy ótkizgen eki kezdesýinde jeńilgen. Al otandasymyz óz mansabynda ótkizgen jeti kezdesýde de jeńiske jetti (3 nokaýtpen). Sońǵy kezdesýinde Madııar 23 jastaǵy amerıkalyq Markýs Bekfordty 6-raýndqa josparlanǵan jekpe-jekte upaı aıyrmasymen utty. Kezdesý 15 sáýirde AQSh-tyń soltústik-shyǵysyndaǵy Konnektıkýtte bolady. Jekpe-jek 8 raýndqa josparlanǵan. Aıta keteıik, Madııar Áshkeev áýesqoı boksta "Astana Arlans" sapynda baq synaǵan. Kásipqoı bokstaǵy mansabyn 2015 jyly bastady. "Main Events" promoýterlik kompanııasynyń uıymdastyrýymen jekpe-jekterge qatysyp keledi. AQSh-tyń Kalıfornııa shtatynda jattyǵady.