Básekege qabilettiliktiń aıqyn kórinisi

Memlekettik hatshy Gúlshara Ábdiqalyqova «Korporatıvtik sektordaǵy áıelder múmkindikterin keńeıtý» atty halyq­ara­lyq forýmǵa qatysty. Forýmǵa Qazaqstan Prezı­denti janyndaǵy Áıelder isteri jáne otbasylyq-demogra­fııalyq saıasat jónindegi ulttyq komıssııa músheleri, Parlament depýtattary, memlekettik or­gan­­dar men ulttyq kompanııa­lar­dyń ba­s­­shylary, shet memle­ket­ter­diń elshileri, halyqaralyq uıym­­dardyń, ÚEU ókilderi, qazaq­standyq jáne sheteldik sarap­shylar, BAQ ókilderi qatysty. Memlekettik hatshy Qazaq­stan Prezıdentiniń «Qazaqstan­nyń Úshinshi jańǵyrýy: jahan­dyq básekege qabilettilik» at­ty Joldaýynda elimiz óz damýyn­daǵy jańa dáýirge qadam bas­qanyn atap ótkenin aıtty. G.Áb­di­qalyqova Joldaýdyń ekinshi basymdyǵy – bıznes ahýalyn túbegeıli jaqsartý jáne aıasyn keńeıtý isine áıelderdiń belsene atsalysýyn qamtamasyz etý qajettigine nazar aýdardy. – Kóp nárse shaǵyn jáne orta bız­nes kásiporyndaryn bas­qaratyn áıelderge baılanysty. Áıel basshylardyń qoǵamdyq úderisterge atsalysýy basqarý­shylyq rásimi men básekege qabi­lettilikti arttyrý sapasyna oń áserin tıgizedi. Budan bólek, ınnovasııalyq startaptar qurý­da ǵylymdy qajet etetin ekonomıka draıverleriniń biri retinde áıelder qyzmetiniń bel­sen­diligin arttyrý qajet, – dedi G.Ábdiqalyqova. Búginde eldiń barlyq belsen­di shaǵyn jáne orta bıznes sýbektileriniń 44%-yn (570 myńnan astam sýbekt) áıelder basqarady. Olar Qazaqstannyń shaǵyn jáne orta bıznes sek­toryndaǵy barlyq jumys oryndarynyń 31%-yn qamtyp otyr. Respýblıkada áıelder bız­­nesin damytýǵa arnalǵan mem­­lekettik baǵdarlamalar, Úki­met pen EQDB, BUU Damý baǵ­­dar­lamasy, Dúnıejúzilik bank, t.b. halyqaralyq damý ıns­tı­týttary arasyndaǵy keli­sim­der arqyly júzege asyrylady. Budan bólek, aýyldaǵy áıel-kásipkerlerge «QazAgro» hol­dıngi arqyly qoldaý kór­setilýde. Osylaısha, sońǵy úsh jyl­da nesıe alýshylardyń 32%-y áıelder bolyp otyr. Mundaı sharalar qabyldaý Qazaqstanǵa Dúnıejúzilik ekonomıkalyq forýmnyń «Ekonomıkaǵa atsalysý jáne áıelder múmkindikteri» reıtıngi kórsetkishin jaqsartyp, 31-shi orynǵa jetýge múmkindik berdi. Memlekettik hatshy Qazaq­stan­da qazir 4 mıllıonnan astam otbasy bar ekenin atap ótti. Eli­mizde otbasyny nyǵaıtý maq­­sa­tymen qajetti jaǵdaılar jasaý jóninde júıeli jumystar júrgizilýde. Memleket basshy­sy­nyń Jarlyǵymen Qazaqstan Respýblıkasyndaǵy 2030 jylǵa deıingi otbasylyq jáne gen­der­lik saıasat tujyrymdamasy bekitildi. Tujyrymdamanyń maqsaty – genderlik teńdik deńgeıin, otbasy músheleriniń turmystyq, ekonomıkalyq, adamgershilik-tár­bıelik, qorǵaýshylyq jáne basqa da mańyzdy fýnk­sııa­­laryn oryndaýdaǵy jaýap­kershi­ligin, tepe-teńdigi men nátıjeliligin arttyrý. Sońynda G.Ábdiqalyqova Memleket basshysynyń 2017 jylǵy Joldaýynda belgilengen min­detterdi oryndaý úshin áıel­derdiń korporatıvtik sektor­daǵy múmkindikterin keńeıtip, shaǵyn jáne orta bıznesti odan ári damytýdyń basymdyqtaryn aıqyndap berdi. Láıla EDILQYZY, «Egemen Qazaqstan»