Ǵalymdar reformany talqylady

Almatydaǵy «Ǵylym ordasy» RMK konsert zalynda «Konstıtýsııalyq reforma – Qazaqstan damýynyń jańa kezeńi» atty konstıtýsııalyq reformany talqylaýǵa arnalǵan semınar ótti. Semınarǵa elimizdiń belgili ǵalymdary, UǴA akademıkteri men ǵalymdary, ǵylymı-zertteý ınstıtýttarynyń basshylary men jetekshi mamandary jáne BAQ ókilderi qatysty. Elimizdiń barlyq qalalary men aımaqtarynda qyzý talqylanyp jatqan jańa reforma ǵalymdar nazarynan tys qalmaıtyny, bul betburys tyń bastamalarǵa serpin berip, eldigimizdi qýattaıtyny aıtyldy. Halqymyz óz derbestiginiń 25 jyldyǵynda aıtýly tabystarǵa qol jetkizip otyr. Biraq, búgingi kúnniń talaptaryna sáıkes, bizdiń aldymyzda úlken maqsattar tur. Sol sebepti, biz zaman suranysyna saı, basqarý júıesin reformalap, jaýap­kershilikterdi naqtylap alýymyz qajet. Jańa reformanyń ózektiligine toqtal­ǵan elimizdiń aldyńǵy qatarly ǵalym­dary reformadaǵy máıekti máselelerdi negizge ala otyryp, zań jobasyndaǵy prezıdenttik ókilettiktiń birqatar bóligin Úkimet pen Parlamentke berý, sonymen birge, sot, prokýratýra organdarynyń jumysyn jetildirý sııaqty úlken usynystardy keń kólemde talqylady. Jańa tehnologııalyq deń­geıge ótý, ekonomıkalyq ári áleýmet­tik damý modelin qalyptastyrý júıesi sóz boldy. «Konstıtýsııa kez kelgen memleket­tiń eń negizgi qujaty. Onyń ózgeriske ushy­rap otyrýy zańdy. Sebebi, áleýmettik-ekonomıkalyq, saıası dúnıe ýaqyt óte kele ózgerip, jańǵyryp otyrady. Bul bizdiń alǵa qaraı umtylýymyz­ǵa úlken septigin tıgizbek» dedi, jıyn­da sóz alǵan fılosofııa ǵylymdary­nyń doktory Serik Nurmuratov. Sharany uıymdastyrýshylardyń biri, atalǵan ǵylym ordasy basshysy­­nyń orynbasary, tarıh ǵylymdary­nyń kandıdaty Nurlan Seıdin: «Búgin­gi jıynnyń basty maqsaty – jańa reformanyń mánine úńile otyryp, elimizdiń jarqyn bolashaǵyna ǵalym­dar tarapynan ún qosý. Elbasynyń bastamasyn qoldap, onyń iske asýyna az da bolsa óz úlesimizdi tıgizý», dedi. Konstıtýsııaǵa engiziletin ózgeris­ter – memleketimizdiń aldaǵy ýaqytta qarqyndy damyp, básekege qabiletti 30 eldiń qataryna enýine jol ashatyn birden-bir amal. Osy rette, Elbasynyń jańa reformasy – ekonomıkalyq damý men básekege qabilettilikti arttyryp, elimizdiń qaryshtap damýyna jol asha­tyn aıqyn bastama dep baǵa berdi jıynǵa qatysýshylar. Semınar sońy «Ǵylym ordasy» RMK uıymdastyrýymen belgili kom­pozıtor, ánshi, Qazaqstannyń halyq ártisi Altynbek Qorazbaev pen onyń bir top shákirtiniń qatysýymen ótken konserttik sharaǵa ulasty. Arman OKTIаBR, jýrnalıst ALMATY