Úndeýge jastar da ún qosty

Elordada «Damý» kásipkerlikti qoldaý qorynyń bazasynda respýblıkalyq jastar uıymdary kóshbasshylarynyń kezdesýi ótti. Kezdesýge Qazaqstan jastarynyń Kongresi muryndyq bolǵanyn aıta ketken jón. Alqaly jıynǵa «Qazaqstan jastary­nyń Kongresi» zańdy tulǵalar bir­lestigi apparatynyń jetekshisi Dáýlet Ájdar, «Jasyl El» jastar eńbek jasaqtary respýblıkalyq shtabynyń jetekshisi Toqtar Bolysov, «Bolashaq» baǵdarlamasy túlekteriniń qaýym­dastyǵy tóraǵasynyń orynbasary Aslan Nurtileýov, «Jas Otan» jastar qanatynyń ókili Dáýren Uzaqbaev jáne elordadaǵy joǵary oqý oryndary jastar isi jónindegi komıtetteriniń ókilderi men stýdentter qatysty. Shara barysynda jastar Memleket basshysynyń bılik tarmaqtary arasynda ókilettikterdi qaıta bólý másele­leri jónindegi Úndeýin talqylady. Sony­men qatar, Prezıdenttiń Qazaqstan halqyna arnaǵan Joldaýynyń negizgi ıdeıalaryna, onda aıtylǵan, jastarǵa tikeleı qatysy bar tórtinshi jáne besinshi basymdyqtarǵa qatysty ózara oı bólisti. Aıta keteıik, 25 qańtarda Elbasy bılik tarmaqtarynyń arasynda ókilet­tik­terdi qaıta bólý máseleleri jónin­de Úndeý jarııalap, óz ókilettikteri­niń bir bóligin Parlament pen Úkimetke berý týraly bastama kótergeni belgili. Jańa ózgerister boıynsha Parlament Mınıstr­ler Kabınetin jasaqtaıdy, Úki­met­tiń ekonomıkalyq saıasattaǵy ókilettikteri kúsheıedi. Arnur ASQAR, «Egemen Qazaqstan»