Bankterdiń eń kóp qarjy salatyn salalary anyqtaldy

Nesıe naryǵynda salalyq transformasııa. Kóterme saýda, óńdeýshi ónerkásip pen aýyl sharýashylyǵy bankterdiń eń kóp nesıe beretin salalary bolyp shyqty. Taý-ken ónerkásibi, kólik ınfraqurylymy men qurylys salalarynan nesıe kapıtaly birtindep yǵysa bastady. Bul týraly Finprom.kz jazady. 2016 jyldyń qorytyndysy boıynsha, nesıe berý kórsetkishiniń eń kóp azaıǵan salasy retinde taý-ken sektoryn ataýǵa bolady. Bul saladaǵy nesıe portfeli tórtten birge (112,5 mlrd) azaıdy. Al kólik ınfraqurylymynyń bankten alatyn qarjysy 8 paıyz azaısa, qurylys salasy 2015 jylmen salystyrǵanda 2016 jyly nesıeni 5 paıyz az alǵan. Sonymen qatar, bólshek saýda da nesıe alýdy azaıtqan. Munaı óndirisi isinde 1 paıyz azaıý baıqaldy. Ipoteka men tutyný nesıesi de kúrt tómendedi. Tutyný nesıesiniń azaıýyna sarapshylar taýardy onlaın qaryzǵa alýdyń engizilýimen túsindiredi. О́ńdeýshi ónerkásip kerisinshe, nesıe resýrsyn ózine kóbirek tarta bastady. Bir jylda sala portfeli 22,8 paıyzǵa ulǵaıdy. Bankter basym sektorlardaǵy ıtndýstrııalandyrý men kásipkerlikti damytý memlekettik baǵdarlamalary boıynsha da nesıe berýdi kóbeıtti. Ekinshi orynda telekommýnıkasııa salasy. Salanyń alǵan nesıesi 8 paıyz ulǵaıdy. Degenmen, jalpy banktrediń bergen nesıesiniń ishinde bul salanyń alǵany tek 1 paıyzdy ǵana quraıdy. Nesıe alýǵa bul salanyń eń úlken kedergisi - IT kompanııalardyń kepildikke qoıatyn múlikteriniń bolmaýy. Múmkin, bıylǵy Joldaýda aıtylǵan "sandyq ekonomıkaǵa" kóshý týraly bastamadan keıin salaǵa beriletin nesıe kólemi ulǵaıar. Sonymen qatar, ekinshi deńgeıli bankterdiń eń kóp nesıe beretin salasy retinde saýda salasy óz ornyn joǵaltqan joq. 2016 jyldyń qorytyndysy boıynsha, banktik qaryzdardyń 22 paıyzy osy salaǵa tıesili ekeni anyqtaldy. Saýda salasynyń alǵan qaryzy 2,78 trln teńgeni qurady.