As atasynyń alýan túri shyǵarylady

Qaraǵandyda óndiristik qýaty táýligine 75 tonnaǵa deıin nan ónimderin shyǵara alatyn, elimizde teńdesi joq jańa zaýyt ashyldy. Qurylysy nebári 8 aıdyń ishinde aıaqtalǵan jańa joba kásipkerlikti qoldaý kartasynyń aıasynda júzege asqan. О́nimin syrtqy naryqqa shyǵaratyn jańa nan zaýytyna Qaraǵandy, Temirtaý, Shahtınsk, Saran, Abaı qalalarynan 3 mlrd teńgeden astam ınvestısııa túrinde qarjy quıylǵan. – Biz búgin Qaraǵandy oblysyn­da taǵy bir jańa zaýyttyń tusaýyn kesip turmyz. «Saryarqa-Nan-Qara­­ǵan­­dy» JShS nan zaýyty Qazaq­­stan­nyń ındýstrııalyq-ın­no­­va­sııa­lyq damý memlekettik baǵ­­dar­l­a­masy negizinde salyndy. Kásip­oryn álemdik barlyq stan­dart­­tarǵa saı, – dedi «Saryarqa-Nan» zaýytynyń tusaýyn kesken Qara­ǵa­n­dy oblysy ákiminiń birinshi oryn­basary Asylbek Dúısebaev. Zaýyt qurylysyna tek otan­dyq qurylys jabdyqtary men qurylǵylyq elementter paıda­la­nylǵan. Al, barlyq qondyrǵylar shet elden, ıaǵnı, Germanııa, Italııa, Fransııa, Slovenııa, Slovakııa syndy aldyńǵy qatarly eýropalyq óndirýshilerdiń qurylǵylarymen jabdyqtalǵan. – Bul zaýytqa nan pisirýge ar­nal­ǵan eń ozyq úlgidegi jańa teh­no­gııalar engizildi. Ondaǵy qon­dyr­ǵylar men keshendi jumys­tar – qazaqstandyq óndirýshiler men álemdik belgili kompanııalar seriktestiginiń jemisti nátıjesi. Sizder kórip turǵan ara-qatynas­tyń altyn kópiri atalǵan sala boıynsha TMD kólemindegi eń iri ınvestısııalardyń biri bolyp tabylady, – dedi tusaýkeser rási­mine qatysqan slovenııa­lyq «Gostol» kompanııasynyń bas dırek­tory Matıaj Kompara. «Saryarqa-Nan» búgingi tańda TMD-daǵy jáne Eýropa men Azııadaǵy zamanaýı ári jetekshi nan zaýyttarynyń biri bolyp tabylady. «Saryarqa grýpp» baqylaý keńe­siniń tóraǵasy, kásipker Erlan Nyǵ­ma­týlın jobaǵa qatysqan bar­lyq qu­ry­lys­shylar, shetel­dik serik­tester jáne ká­siporyn ujy­myn quttyqtady. – Qaraǵandylyq «Saryarqa-Nan» zaýytynyń ujymynda bel­gilengen strategııa, ustanǵan aı­qyn baǵyt bar. Kimdi úlgi tutyp, qaıda talpynýdy biledi. Men osy jerde jınalǵan kásibı ujymnyń aldaǵy ýaqytta zor jetistikterge qol jetkizetindigine erekshe senim­dimin, oǵan barlyq negiz bar. Biz munda ınvestısııa tartyp qana qoımaı, sonymen qatar, nan óndiri­siniń álemdik ozyq úlgidegi teh­nologııalaryn qoldandyq. Bar­lyq ujymnyń atynan elimizde ınvestısııalyq qolaıly ahýal týdyryp otyrǵan Elbasymyz Nursultan Nazarbaevqa sheksiz al­ǵysymdy bildiremin, – dedi ol. Zaýyt Qaraǵandy men jaqyn eldi mekenderdiń 550-deı turǵynyn turaqty jumyspen qamtamasyz etpek. Bıznestiń áleýmettik jaýap­kershiligi sheńberinde múmkindigi shekteýli jandarǵa da jumys orny qarastyrylǵan. Kásiporyn qyzmetkerlerine zaman talabyna saı sanıtarlyq-turmystyq jaǵdaı jasalǵan. Sondaı-aq, kúndizgi jáne túngi aýysymda jumyskerlerdi tegin tamaqtandyrý men qyzmettik avtokólik máselesi jolǵa qoıylǵan. Zaýytta adam qolymen jasala­tyn aýyr jumys joq. Barlyq úderis mehanıkalan­dyrylǵan, al nan pisirý júıesi avtomattandyrylǵan. Kondıterlik óndiristiń bas tehnology, atalmysh salada 40 jyl eńbek etken Lıýbov Borısovna: «Bul óndiriske kelgende, Qaraǵan­dyda osyndaı qýatty zaýyt saly­nyp, onda qaraǵandylyqtar ju­mys jasaıtyndyǵy úshin boıym­dy maqtanysh pen qýanysh qatar kernedi. Barlyǵy bastan-aıaq oı­las­­tyrylǵan, shynymen qam­qor­­lyqty sezinesiń. Jańa tehno­logııa­larmen jumys istesek te, eski reseptini umytpaımyz. Qala turǵyndary dúken sórelerindegi belgili bir nan ónimderine úırenip qalǵan. Desek te, aldaǵy ýaqytta tutynýshylardy basqa da jańa nan ónimderimen qýantatyn bolamyz», dep óz oıymen bólisti. Zaýyt óziniń jumysyn 45-ten asa nan ónimderin shyǵarýmen bas­tady. Máselen, «Mramornyı» dep atalatyn jańa nan ónimi bar. Budan ári shyǵarylatyn ónim aı saıyn 3-4 túrmen tolyqtyrylyp otyrady. Al, ónimdi taratý maqsa­tynda 65 arnaıy avtokólik satyp alynǵan. Áleýmettik qoldaý sharasy aıasynda «Saryarqa-Nan» zaýyty­nyń alǵashqy ónimi Qaraǵandy qal­asyndaǵy balalar úıine jóneltildi. Mıras ASAN, «Egemen Qazaqstan» QARAǴANDY