Muz ústinde zýyldaıdy kólikter

Oblys ortalyǵyndaǵy Ýsolka óze­ninde muz ústinde dýeldi avtojarys ótti. Bul joly «Burqasyn-2017» ataýyna aýa raıy da saı keldi. Aqpannyń aq tútek borany, aıazyna qaramastan, ózen ústin­degi jarys ta qyza tústi. Avto­jarys­qa Pavlodar, Aqsý, Ekibastuz ben As­tanadan kelgen avtoshabandozdar qatysty. Dýeldi avtojarystyń qysqy shoýyn tamashalaýǵa qala turǵyndary, jastar, qonaqtar óte kóp jınaldy. Avtojarystaǵy kólikterdiń zýlaǵan jyldamdyqtary, qatysýshylardyń shabytty sátteri, shuǵyl burylystar jasaıtyn ǵajaıyp kórinisteri kópshilikti tańǵaldyrdy. Muz ústindegi avtojarys ári erekshe, ári qaýipti. Biraq, soǵan qaramastan, ekstremaldy sportqa degen qyzyǵýshylyqtary basym avtoshabandozdar jarys kórigin qyzdyryp, kórermenderdiń de kóńiline qanat bitirdi. Muz ústindegi bul erekshe jarysty elimizdiń Avto-Moto-Sport federasııasy, qala ákimdigi, oblystyq jastardyń bastamalaryn qoldaý ortalyǵynyń qoldaýymen «RedZone» qoǵamdyq birlestigi ótkizdi. Qysqy dýeldi avtojarys qorytyndysy boıyn­sha A.Vındergoller, K.Chıstıakov, A.Bo­chın, N.Qabdýálıev, F.Rahmetov jáne basqalary jeńimpaz atandy. – Bıylǵy jylǵy «Burqasyn-2017» avtojarysy EKSPO-2017 halyq­aralyq kórmesin qoldaý maqsatynda ótkizildi. «Burqasynǵa» qatysýshylar sany jyl sanap artyp keledi, biz buǵan óte qýanyshtymyz. О́tkizilip otyrǵan jarystyń maqsaty – avtosportty kóp­shi­likke taratý jáne jastardyń avto­sport­qa jáne salamatty ómir saltyna degen qyzyǵýshylyǵyn arttyrý, – deıdi «RedZone» qoǵamdyq birlestiginiń tóraǵasy K.Mýzalevskıı. Farıda BYQAI, «Egemen Qazaqstan» PAVLODAR Sýretterdi túsirgen Olga MÝZALEVSKAIа