Búginde tutynýshylar taýar men qyzmetterdiń jetkizilýin jedel ári qaýipsiz bolyn talap etedi.
«Uzaq ómir súrý ekonomıkasy»
2017 jyly dúnıe júzi turǵyndarynyń 25 paıyzynyń jasy 50-den asty. Bular qartaıýdyń ómir saltyna qanshalyqty áser etetinin túsine bastaǵandar. Olar taýar men qyzmetterdiń qaýipsizdigine basa mán beredi. Sonymen qatar, "50+" tutynýshylar beauty-ónimderdiń de negizgi tutynýshylary.
Tutynýshy balalar zamany
Búginde adamzat erte jastan bastap tutynýshy bolyp úırendi. Oǵan basty sebep ata-analardyń jumysbastylyǵy. Ata-analar balalaryna erkindik berip, jasóspirimder eresektermen birdeı qarjy jumysaıtyn bola bastady. Máselen, Latyn Amerıkasyndaǵy balalardyń 82 paıyzy ózderi tutynatyn zattardy óz betterinshe tańdaıtyn bolǵan. Al ınternettiń kelýimen balalar tipti óz betimen bola bastady.
Erekshe talǵamdar
Jappaı stantartty ónimder ózderiniń mańyzyn joǵalta bastady. Buryn keı tutynýshylar tek brendterge, fızıologııalyq erekshelikterge, taǵam túrleri men mýzykalyq talǵamǵa ǵana qatysty bolsa, qazirgi tańda taýarlardyń barlyq túri derlik ózinshe aýdıtorııa tapqan.
Tez shoppıng
2017 jyldyń tutynýshylary óte shydamsyz. Internet álem adamzatty jedel tutynýshyǵa aınaldyrdy. Taýar men qyzmetter naqty ýaqytqa baǵynbaıtyn bola bastady. Aldyn ala tapsyrys berý degenińiz keshegi kúnniń áńgimesi. Brendter bıznestiń jedel modeline kóship, Amazon sekildi alpaýyttar taýarlardy jetkizýde drondardyń qyzmetine júgine bastady.
О́zindik sıpattyń ózgerýi
Adam balasy tez ózgeretin jaratylys. Qazirgi trendten baıqaıtynymyz, tutynýshylardyń talǵamy da tez ózgere beredi. Mıgrasııalyq daǵdarystyń áser etýimen, adamzat ulttyq bolmystaryn joǵaltyp, ár túrli mádenıetke elikteı beredi. Bul qalypty nárse. Ásirese, batys elderi qazir bir memlekettiń emes, álemniń azamattaryna aınalǵan. Álemdik brendterdiń trendke aınalýy osynyń dáleli.
Jekelendirý
2017 jyly standartty ónimder tutynýshylardyń jeke bas talǵamyna qaraı jekelendirilýde. Adamdardyń erekshelenýge degen qumarlyǵy "jurtpen birdeı" bolmaýǵa sebep bolýda. Nátıjesinde iri kompanııalar "eksklıýzıvti" ónim óndirisine den qoıa bastady. Nátıjesinde, kisiniń emosııasy men kóńil-kúıine baılanysty ónim men qyzmet túrleri tutynýshylardyń qajettiligin aldyn ala boljaýǵa tyrysýda.
Posttutyný
Bıyl tutynýshylar eski zattardy satyp alýdy da ózinshe trendke aınaldyrdy.
Taýar qupııalylyǵy pen qaýipsizdik
Kıberjúıeniń damyǵan kezinde tutynýshylar ózderiniń qaýipsizdigi men qupııalylyǵyna da mán bere bastady. Mobıldi álemde adamdar ózin barynsha jasyryn ustaǵysy keledi. Sondyqtan taýar men qyzmet túrleriniń usynysynda jeke bas málimetter barynsha az suralǵany durys.
Deni saý bolý taptyq erekshelikke aınaldy
Deni saý jáne sportty dene bitimniń bolýy qazirgi tańda baqýattylyq pen baılyqtyń belgisi. Tutynýshylar ózderiniń denesimen maqtanýǵa degen qumarlyǵy fıtnes ortalyqtar men salaýatty taǵam túrleriniń tanymaldyǵyna alyp keldi. Sonymen qatar, sporttyq stıldegi kıimder endi kedeıliktiń emes, baılyqtyń sımvolyna aınaldy.
