2016 jyly OQO-da 600 myń tonna un eksporttaldy

Ońtústik Qazaqstan oblysynyń un tartýshy kásiporyndary ótken jyly 801 255 tonna un tartyp, 269 900 tonna kebek shyǵarǵan. Shyǵarylǵan un ónimderiniń quny 62 825 mln. teńgeni quraıdy. Bul týraly oblystyq Kásipkerlik, ındýstrıaldy-ınnovasııalyq damý jáne týrızm basqarmasynyń mamandary habarlady, dedi OQO ákiminiń baspasóz qyzmeti. Tartylǵan unnyń 600 myń tonnaǵa jýyǵy, nemese 599 261,5 tonnasy (quny 114 2013,3 myń AQSh dollary) eksporttalyp, Tájikstan, Túrikmenstan jáne О́zbekstan syndy TMD elderine, sonymen qatar, Aýǵanstan, Irak, Qytaı jáne Monǵolııa sııaqty alys shetelderdiń naryǵyna shyǵarylǵan. Jalpy, óńirimizde un tartý kásibimen onshaqty seriktestik aınalysady. Atap aıtaqnad, olar - «Altyn-Dán» JShS, «Miller & K» JShS, «Kasimhan Grain Products» JShS, «Aqnan» JShS, «IýGPIShEPROM» JShS, «Danı-Nan» JShS, «Aq Marjan LTD» JShS, «Ordabasy nan» JShS, «Grain House 555» JShS, «Erasyl-2030» JShS-lary. Olardyń ishinde «Altyn dán» JShS, «Erasyl-2030» JShS, "Danı-Nan-Group" JShS, «Kasimhan Grain Products» JShS, "Asyl-LTD" JShS-lary negizgi eksporttaýshy kompanııalar bolyp tabylady.