• 13 Aqpan, 2017

Almaty oblysynda toqtap turǵan qant zaýyty qaıta qosyldy

190 ret

kórsetildi

1 mın

oqý úshin

Egemen Qazaqstan

14 jyldan beri jumyssyz turǵan Aqsý qant zaýytyn bıyl iske qosý josparlanǵan. Bul týraly Almaty oblysynyń ákimdigi málim etti, dep jazady abctv.kz.

Ákimdik bıyl 300 myń tonnadan artyq qant qyzylshasyn jınap, 30 myń tonna qant óndirý kózdelgenin aıtyp otyr. Bul byltyrǵy jylǵy kórsetkishten (25 myń tonna qant) 5 myń tonnaǵa kóp. «Osylaısha ımportqa táýeldilik azaıady. Zaýytty iske qosýdan bólek, qant qyzylshasy alqaby 2,7 myń gektarǵa ulǵaıtylyp, 9 myń gektarǵa jetkiziledi (2016 jyly 6,3 myń gektar bolǵan), – dep habarlaıdy ákimdik. Baspasóz qyzmetiniń deregi boıynsha, oblysta jalpy aýyl sharýashylyǵy ónimderi 603,9 mlrd teńgege deıin artpaq. Esterińizge sala keteıik, Almaty oblysynda Aqsý qant zaýytyn jańǵyrtý úshin ınvestor izdestirilip jatqany buǵan deıin de habarlanǵan bolatyn. Degenmen óńirde budan basqa sút zaýyty jáne Talǵar aýdanyndaǵy «Baıserke-Agro» JShS-na tıesili et óńdeý kesheni jumys istemeı tur.