Abel Sanches Golovkınniń boksyndaǵy erekshelikterin atady

Abel Sanches shákirti Gennadıı Golovkınniń (36-0, 33 KO) erekshelikterin atady. Bul týraly vesti.kz habarlady. «Úsh mınýt qarapaıym adam úshin tez ótip ketýi múmkin, biraq sharshy alańda qarsylasyń dál Gennadıı Golovkındeı toqtaýsyz, soqqylaryn qarsha boratatyn bolsa, bul ýaqyt bitpesteı bolyp kórinedi», – dedi Sanches. «Rıngte Golovkınniń bir soqqysyn sezgen adam alǵan baǵytynan jańylysyp, jeńiske degen qulshynysynan aıyrylyp jatady. Jekpe-jek barysynda qarsylastarynyń «Men mundaı kúshti buryn-sońdy kórmegen edim. Buǵan qalaı qarsy turamyn» degen oıda qalyp jatsa, tań qalmaımyn. Sebebi, psıhologııalyq turǵydan sharshap qalady. Máselen, Stıvens alǵashqy nokdaýnnan keıin jóndi shabýylǵa shyǵa almady. Maklınniń basty maqsaty kezdesýdiń sońyna deıin shydas berý boldy. Al Ishıda basynda-aq nokaýtqa ushyrady», – dedi qazaqstandyq bylǵary qolǵap sheberiniń bapkeri. «Aıqasta esińdi jıyp, túrli ádisterdi qoldanýǵa tyrysasyń. Lakı-panch jasaýǵa umtylasyń, biraq ony der kezinde dál jasamasań, sońy kútpegen jaıttarmen aıaqtalýy múmkin. Biraq lakı-panch jasaý úshin de qarsylasyńdy aldymen qysymǵa ala bilýiń qajet», – dedi Abel. «Zalda kúndiz-túni jattyǵý jasap júrmiz. Golovkın esh qıyndyqsyz 12 raýndqa shydas beredi. Ol úshin sharshy alańda judyryqtasý ne úshin ońaı bolyp kórinedi deısiz be? Sebebi, onyń boıynda jeńiske degen qulshynys bar. Sondaı-aq, árbir soqqysy qarsylasyna dál tıer bolsa, kezdesýdi tezirek aıaqtaıtynyn jaqsy biledi. Men boksshy kezimde dál mundaı pancher bolmaǵan edim», – dedi meksıkalyq bapker. Aıta keteıik, Golovkın 18 naýryz kúni Nıý-Iorktegi Madison Square Garden arenasynda amerıkalyq Dennıel Djeıkobspen judyryqtasady.