Astanada áleýmettik mańyzy bar 15 joba qabyldandy

Ortalyq kommýnıkasııalar qyzmetinde Astana qalasy men onyń aglomerasııasynyń turaqty damýy jónindegi keńestiń qyzmetine arnalǵan baspasóz máslıhaty ótti. Brıfıngke «Qalalyq sheshimder bıýrosy» aqparatty-taldamalyq ortalyǵynyń dırektory Dáýren Qaısarov, Astana ákimshiligi janyndaǵy «Elorda Aqparat» JShS medıa holdınginiń bas dırektory Qaısar Jumabaıuly, keńes hatshylyǵynyń basshysy, Astana qalasy ákiminiń keńesshisi Aqmaral Baıtemirova men  keńes hatshysy Almasbek Janábilov qatysyp, jańadan qurylǵan keńestiń qyzmeti men mindeti týraly keńirek aıtyp berdi. D.Qaısarovtyń aıtýynsha, keńestiń basty mindeti – qala men onyń aglomerasııasyn turaqty damytý strategııasyn iske asyrý,  elordadaǵy qyzmetter aldynda turǵan keshendi máselelerdiń sheshimin izdeý, qalanyń ekonomıkalyq áleýetin jáne ınvestısııalyq qyzyǵýshylyǵyn damytý men jaqsartýǵa baǵyttalǵan usynystar ázirleýge qoldaý kórsetý. –«Turaqty damý» uǵymynyń  ózi bes baǵytta jumys isteıdi, – dedi ol ári qaraı, – Oǵan ekonomıkalyq, ekologııalyq turaqtylyq, turaqty ınfraqurylym, energetıka jáne ınnovasııa, áleýmettik turaqtylyq, básekege qabilettilik jáne strategııalyq turaqtylyq sııauqty baǵytta kiredi. Jaqynda qala ákiminiń tóraǵalyǵymen keńestiń keńeıtilgen otyrysy ótti. Onyń quramyna osy máselelermen aınalysyp júrgen 63 sarapshy múshe boldy. Jıynda qalany damytýǵa arnalǵan kótpegen máseleler qaraldy. Brıfıngte Astana qalasy ákiminiń keńesshisi keńes aldaǵy ýaqytta da qalanyń aglomerasııasyn damytatyn qozǵaýshy kúsh bolyp, halyqtyń kóptegen áleýmettik-turmystyq problemalaryn sheshýge atsalysatyn organǵa aınalatynyn atap ótti.   Onyń aıtýynsha, qazir qalanyń sáýleti men dáýleti jyl saıyn damyp jatqanymen sheshilmegen kóptegen problemalar bar. Sonyń ishinde bala-baqsha men mektepterde oryndardyń jetispeýshiligi, halyqty turǵyn úımen qamtamasyz etý, adamnyń densaýlyǵyn saqtaý  sııaqty máseleler kún tártibinen túspeı otyr. – Jaqynda qala ákimi Áset Isekeshevtiń tóraǵalyǵymen ótken keńestiń alǵashqy otyrysynda Astanany 2020 jylǵa deıinge damý Strategııasy jarııalandy. Sonda áleýmettik mańyzy zor 15 jobany iske asyrý týraly sheshim qabyldandy. Bul jobalardyń kóbisi áleýmettik problemalarǵa arnalǵan. Sondyqtan «jumyla kótergen júke jeńil» degendeı, aldaǵy kezde qoǵam belsendilerimen, óz ismin jaqsy biletin sarapshylarymen birge jumys istesek qalany jan-jaqty damytýǵa tolyq múmkindigimiz bar, – dedi ol. Al «Elorda Aqparat» JShS medıa holdınginiń bas dırektory Qaısar Jumabaıuly jıynda ózi jetekshilik etetin mekemeniń qyzmetin tanystyryp, bolashaqta aqparat salasy boıynsha Astanananyń damýyna qolda bar múmkindikti jasaıtynyn aıtty. Dastan KENJALIN, «Egemen Qazaqstan»