Gollandııada ushatyn kólikter satylymǵa shyǵaryldy

Nıderland elinde PAL-V fırmasy ózi qurap shyǵarǵan ushatyn kóliktiń eki markasyn satylymǵa shyǵardy. Bul týraly life.ru habarlady. Gollandııalyqtar jańa kólik qurý jumystaryn 2009 jyly qolǵa alǵan. Al 2012 jyly onyń alǵashqy prototıpi daıyn bolǵan. Bıyl atalmysh kompanııa Liberty Pioneer jáne Liberty Sport úlgilerine qatysty birneshe tapsyrys alypty. Aldaǵy ýaqytta PAL-V jańa avtomobılderdi jappaı óndirýge daıyndalyp otyr. Quraýshylaryń aıtýynsha, qaýipsizdik sharalarynyń bári qamtamasyz etilgenin. PAL-V tutynýshylarǵa jańa kólikterdi 2018 jyldyń sońyna deıin jetkizedi dep kútilip otyr. Oǵan deıin atalǵan kólikter qoldanysqa ený úshin tolyqtaı sertıfıkattaýdan ótkiziledi. Kompanııanyń bas dırektory Robert Dıngemanstyń aıtýynsha, jańa ónimderdiń negizgi naryǵy Soltústik Amerıka bolmaq. Sondaı-aq, AQSh, Kanada, Meksıka elderinen jáne Bermýd araldarynan aldyn ala tapsyrys berýshiler bar ekenin málimdedi.