Memleket basshysynyń «Qazaqstannyń úshinshi jańǵyrýy: jahandyq básekege qabilettilik» atty Joldaýynyń basymdyqtaryn iske asyrý úshin el Úkimeti 2,4 trln teńgeden astam qarjy bóledi. Bul týraly QR Úkimeti otyrysynda 2017-2019 jyldarǵa arnalǵan naqtylanǵan respýblıkalyq bıýdjet jobasyn tanystyra otyryp, QR qarjy mınıstri Baqyt Sultanov habarlady, dep jazady primeminister.kz.
Onyń aıtýynsha, bıýdjettiń shyǵys bóligin naqtylaýdyń basym baǵyty Memleket basshysynyń Joldaýyn iske asyrý bolyp tabylady. Osy maqsattarǵa bıýdjette 2 435 mlrd teńge qarastyrylǵan.
Sonymen qatar, Joldaýdy iske asyrý kelesi sharalar arqyly júzege asyrylatyn bolady: ekonomıkany jedeldetilgen tehnologııalyq jańǵyrtý – 231 mlrd teńge; bıznes ortany túbegeıli jaqsartý jáne keńeıtý – 0,7 mlrd teńge; makroekonomıkalyq turaqtylyq - 2 093,1 mlrd teńge; adam kapıtalynyń sapasyn arttyrý – 86,2 mlrd teńge; ınstıtýsıonaldyq túrlendirý, qaýipsizdik jáne sybaılas jemqorlyqpen kúres – 23,9 mlrd teńge.
Otyrys qorytyndysy boıynsha QR Premer-Mınıstri Baqytjan Saǵyntaev búgin ÁED boljamy men bıýdjettik zań jobasyn belgilengen tártip boıynsha QR Parlamenti Májilisine ótkizýdi tapsyrdy.
me berýge mindetti.
