Elbasy Nursultan Nazarbaevtyń osy jyldyń sáýir aıynda Estonııaǵa memlekettik saparynda eki eldiń arasyndaǵy iskerlik baılanystardy nyǵaıta túsýge baǵyttalǵan biraz kelisimderge qol qoıylǵany belgili. Solardyń arasynda elimizdiń teńiz qaqpasy – «Aqtaý halyqaralyq teńiz saýda porty» men «Tallınn porty» AQ arasyndaǵy ózara yntymaqtastyq týraly kelisim de bar-dy. Sol ıgi bastamany jaqynda odan ári jalǵastyryp, iskerlik baılanystar qarqyn alatyndaı nátıjege qol jetti. Aqtaýǵa Estonııanyń Qazaqstandaǵy senimdi ókili M.Solnson bastaǵan delegasııa kelip, Aqtaý portynyń jumysymen jete tanysty. Aqtaý jáne Tallınn teńiz porttary arasyndaǵy júk tasymalyn damytý, tranzıttik júkterdiń baǵyttaryn ártaraptandyrý áńgime boldy. Bul rette Aqtaý porty arqyly Edil – Baltyq keme jolymen júk tasymaldaý kólemin ulǵaıta túsý joldary belgilenip, ózara tájirıbe almasý retinde jańa tehnologııalardy óndiriske engizýge baǵyttalǵan hattamaǵa qol qoıyldy. Sondaı-aq bir top qazaqstandyq teńiz mamandaryn Estonııanyń oqý oryndarynda oqytýdyń joldary belgilendi. Munyń bári eki eldiń arasyndaǵy iskerlik ekonomıkalyq baılanystarǵa joǵary qarqyn bereri sózsiz, deıdi Aqtaý teńiz portynyń dırektory Berik Ýandyqov.
Jolaman BOShALAQ, Mańǵystaý oblysy.