• 13 Aqpan, 2017

Kásipkerlerge kórsetiletin qysym azaıady

255 ret

kórsetildi

2 mın

oqý úshin

Egemen Qazaqstan

Bıznesti qaıta retteý baqylaýshy memlekettik organdar tarapynan kórsetiletin qysymdy tómendetedi. Bul týraly Ortalyq kommýnıkasııalar qyzmetinde ótken baspasóz konferensııasynda Ulttyq ekonomıka mınıstrligi kásipkerlikti damytý departamentiniń dırektory Ǵalııa Joldybaeva málim etti. Ol Memleket basshysynyń bıznesti qaıta retteý boıynsha júıeli sharalardy ázirleý mindetin anyqtaǵanyn jáne baqylaý-qadaǵalaý fýnksııalarynyń sanyna aýqymdy tekserý júrgizýdi tapsyrǵanyn eske saldy. «Aǵymdaǵy jyldyń sońyna deıin Kásipkerlik kodekske, salalyq zańdarǵa qaıtalanatyn baqylaý jáne qadaǵalaý salalaryn alyp tastaý jáne tekserý júrgizýdiń jalpy tártibine jatpaıtyn salalardy aýystyrý boıynsha túzetýler ázirlenetin bolady», – dep málimdedi Ǵ.Joldybaeva. Onyń aıtýynsha, revızııa kásipkerlik sýbektilerine baqylaýshy memlekettik organdar tarapynan qysymdy azaıtýǵa múmkindik beredi, memlekettik baqylaý men qadaǵalaý zańnamasyn jetildirýdi qamtamasyz etedi, baqylaý men qadaǵalaýdy júzege asyrý kezinde sybaılas jemqorlyq sıpatyndaǵy quramdaǵyshtardy alyp tastaýǵa járdemdesedi, sondaı-aq elde kásipkerliktiń damýyna jańa serpin beredi. Sonymen qatar, bıznesti qorǵaý jáne qoldanystaǵy ákimshilik kedergilerdi joıý maqsatynda mınıstrlik memlekettik organdardyń jáne kvazımemlekettik sektor sýbektileriniń qyzmetine turaqty negizde tekserýler júrgizedi. Olar bızneske eń kóp qysym kórsetetin sýbektilerge baǵyttalǵan. «2016 jylǵy tekserý nátıjeleri memlekettik organdardyń bıznesti qoldaý baǵdarlamalaryn iske asyrý kezinde, sondaı-aq bıznes sýbektileriniń qyzmetin retteý kezinde olardyń quqyqtary men zańdy múddelerin óreskel buzǵandyǵyn kórsetken. 2016 jyl boıynsha memlekettik mekemelerdiń basshylaryna qatysty 4,8 mln. teńge somasyna 46 ákimshilik quqyq buzýshylyq týraly hattama toltyrylǵan (búgingi kúni 38 hattama boıynsha sottarmen 4 mln. teńge somasyna aıyppul retinde ákimshilik jaza qoldaný týraly qaýlylar shyǵaryldy), 40-tan astam laýazymdyq tulǵa tártiptik jaýapkershilikke tartylǵan», – dep atap ótti departament dırektory.